Гаалийн байгууллаас өнөөдөр “ЦАХИМ ГААЛЬ” өдөрлөгийг Улаанбаатар хот дахь гаалийн газар зохион байгуулж, 140 орчим иргэн, аж ахуйн нэжийн төлөөлөл оролцлоо. Өдөрлөгийн үеэр гаалийн цахим үйлчилгээний гааль.мн систем, гэрээ бүртгэлийн нэгдсэн систем, экспорт, импортын мэдэгдэл гэрчилгээний цахим систем, тусгай зөвшөөрлийн цахим систем зэрэг үйлчилгээнүүдийг танилцуулж зөвлөмж мэдээлэл өгчээ. Мөн Гаалийн ерөнхий газрын дэргэдэх Мэдээллийн технологийн газраас зохион байгуулсан экспортын гэрээ бүртгэх, экспорт, мпортын мэдүүлэг нөхөн бичих, лавлагаа, тодорхойлолт авах, зорчигчийн барааны гаалийн мэдүүлэг нөхөн бичих сургалтуудад иргэд идэвхитэй хамрагдаж, санал бодлоо чөлөөтэй илэрхийлж байсан юм.

Иргэн, ААН-үүдээс ирсэн саналын дийлэнх нь бусад гаалийн газар хороо цахим үйлчилгээндээ илүү анхаарч ажиллах, цахим бичиг баримт хянаж шалгах ажлыг оновчтой болгох замаар гаалийн бүрдүүлэлтийн цагийг багасгах, экспорт хийж байгаа дотоодын ААН-үүдийн гэрээний үнийг үндэслэлтэй тогтоож өгөх зэрэг асуудалд чиглэгдэж байлаа.