БНХАУ-ын Засгийн газар 2023 оны 1 дүгээр сарын 8-ны өдрөөс шинэ төрлийн коронавирусийг B ангиллын халдварт өвчнөөр бүртгэсний дараа Хятад болон гадаад улсын харилцан зорчих иргэдэд авах түр арга хэмжээний тухай мэдэгдлийг хэрэгжүүлж эхлэх юм байна. Энэ дагуу Монгол, Хятадын хилийн Замын-Үүд-Эрээний авто замын боомтын зорчигч тээврийн хөдөлгөөнийг 2023 оны 1 дүгээр сарын 8-ны өдрөөс эхэлнэ нээнэ.

БНХАУ-д зорчих иргэд. БНХАУ-ын Эрүүл мэндийн үндэсний хорооноос Монгол Улсаас БНХАУ-д зорчих иргэд 48 цагийн дотор PRC шинжилгээнд хамрагдсан байх шаардлага тавьсан байна. БНХАУ-д зорчих иргэд WeChat-ийн туслах программ, вэб сайт (https://htdecl.chinaport.gov.cn/…/healthDe…/declare.html) болон China Customs APP-аар дамжуулан “БНХАУ-аас гарах/орох эрүүл мэндийн мэдүүлэг”-ийг бөглөхийг зөвлөжээ. Хэрэв зорчигчийн шинжилгээний хариу эерэг гарсан бол сөрөг болсны дараа зорчих боломжтой. China Customs APP-ийг Apple гар утастай иргэд “App Store”-оос татаж хэрэглэх боломжтой.

Монгол Улсад зорчих иргэд. Монгол Улсад ирэх иргэдээс шаардах баримт бичгийг Эрүүл мэндийн яам болон Улсын онцгой комиссоос журамлан гаргаж мэдээлэх болно.