Гаалийн ерөнхий газрын Аж ахуй, үйлчилгээний албанд “МЕХАНИКЧ”, “ТУСЛАХ ТОГООЧ”, “УГААГЧ” ажилд авна.

1. “МЕХАНИКЧ”-ийн гүйцэтгэх үндсэн үүрэг:

• Автомашины бүх төрлийн оношилгоо хийж, тээврийн хэрэгслийн бүрэн бүтэн байдалд хяналт тавих;

• Байгууллагын автомашин ашиглалтад хяналт тавьж, гарсан зөрчлийг арилгах талаар нэгжийн даргад санал танилцуулж шийдвэрлүүлэх;

• Жолооч нарт хөдөлмөрийн аюулгүй ажиллагаа болон замын хөдөлгөөний дүрэм, журмын талаар зааварчилгаа өгөх

• Албан тушаалын тодорхойлолтод тусгагдсан чиг үүргийг хэрэгжүүлэх

Тавигдах шаардлага:

• Мэргэжлийн үнэмлэхтэй байх;

• В ангиллын жолооны үнэмлэхтэй байх;

• Мэргэжлээрээ ажилласан туршлагатай байх

“ТУСЛАХ ТОГООЧ”-ийн гүйцэтгэх үндсэн үүрэг: (гэрээт ажилтан)

• Хүнсний түүхий эд, бүтээгдэхүүнд анхан шатны ангилан ялгалт,  цэвэрлэгээ хийж, хоол, хүнсийг эрүүл ахуй, ариун цэврийн стандартад нийцүүлэн бэлтгэх;

• Ажлын багаж, тоног төхөөрөмжийг хөдөлмөр хамгаалал, аюулгүй ажиллагааны журмыг баримтлан аюулгүй байдлыг ханган ажиллах;

• Тогоочийн өдөр тутмын үйл ажиллагаанд туслах.

Тавигдах шаардлага:

• Хоол үйлдвэрлэлийн чиглэлээр ажиллаж байсан туршлагатай бол давуу тал болно
  

“УГААГЧ”-ийн гүйцэтгэх үндсэн үүрэг: (гэрээт ажилтан)

• Ажилчдын хоолны гал тогоо, үйлчилгээний танхим болон хоол боловсруулсан тоног төхөөрөмжийг угаах, цэвэрлэх;

• Угаалгын горимын дагуу ажиллаж, эрүүл ахуйн стандартыг баримтлах.

Ажлын байранд тавигдах нэмэлт шаардлага:

• Цаг баримтлах

• Багаар ажиллах чадвартай

• Хариуцлагатай

• Тогтвор суурьшилтай ажиллах.

Ажлын байрны талаарх нэмэлт мэдээлэл:

Засгийн газраас тогтоосон тушаалын цалингийн сүлжээгээр цалинжих бөгөөд ажилласан жил, ур чадварын нэмэгдэл болон хоол, унааны мөнгийг байгууллагаас олгоно.

Бүрдүүлэх материал:

1. Хүсэлт;

2. Иргэний үнэмлэхийн хуулбар;

3. Мэргэжлийн үнэмлэхийн хуулбар (механикч).

Дээрх зарлагдсан ажлын байранд тавигдаж буй шаардлагыг хангасан, Гаалийн байгууллагад тогтвор суурьшилтай ажиллах сонирхолтой иргэд холбогдох баримт бичгийг бүрдүүлэн 2024 оны 09 дүгээр сарын 16-ны өдрийн 17:00 цаг хүртэл Гаалийн ерөнхий газрын С байрны 301 тоот өрөөнд материалаа ирүүлнэ үү.

Мөн taz01@customs.gov.mn цахим хаягаар материалаа ирүүлж болно.

Холбоо барих утасны дугаар: 11350051, 11350059