Нийслэлийн Засаг даргын тамгын газраас 2024 оны 09 дүгээр сарын 06-ны өдөр зохион байгуулсан “Ажил хэрэгч Улаанбаатар” ЖДҮ эрхлэгч өглөөний уулзалтад нийслэлийн Засаг дарга бөгөөд Улаанбаатар хотын Захирагч Х.Нямбаатар, НЗД-ын орлогч Л.Хосбаяр болон ЖДҮ эрхлэгч 200 гаруй эмэгтэй, Гааль, татварын байгууллагын төлөөлөл оролцлоо.

Хотын дарга Х.Нямбаатар “Жижиг, дунд бизнес эрхлэгчдийн эдийн засгийн чадавхыг нэмэгдүүлэх”-ийн тулд хэрэгжүүлж буй арга хэмжээ, богино болон урт хугацаанд хийх ажлуудын талаар товч танилцууллаа. ЖДҮ эрхлэгч эмэгтэйчүүд “Худалдаа, тээвэр, санхүү, борлуулалт, ажлын байр, ажиллах хүчний хомсдол, татварын бодлого” зэрэг бизнесийн үйл ажиллагаанд тулгарч буй хүндрэлтэй асуудлын талаар санал, хүсэлтээ илэрхийлэв. Хотын дарга Х.Нямбаатар Нийслэлийн засаг даргын тамгын газрын холбогдох албан хаагч нарт үүрэг өгч, ЖДҮ эрхлэгч эмэгтэйчүүдэд тулгарч буй хэд хэдэн асуудлыг газар дээр нь шуурхай шийдвэрлэв.