ДГБ – Швейцарын эдийн засгийн хамтын ажиллагааны байгууллагын хамтарсан “Глобал худалдааг хөнгөвчлөх хөтөлбөр”-ийн II шатанд ДГБ-ын Гишүүн 10 улсын Гаалийн байгууллагын 5 нь “Байгууллагын хөгжил, Худалдааг хөнгөвчлөх”, 5 нь тодорхой асуудлаар хамрагдахаар боллоо.

Хөтөлбөрт хамрагдаж буй улс орны Гаалийн байгууллагын техникийн болон байгууллагын чадавхыг бэхжүүлэх хүрээнд гаалийн шинэчлэлийг амжилттай төлөвлөн, удирдаж, тогтвортой, ил тод хэрэгжүүлэх, ДХБ, ДГБ-ын худалдааг хөнгөвчлөхтэй холбоотой асуудлуудыг хамруулан, Гааль – Бизнесийн түншлэлийг бэхжүүлэхэд Глобал худалдааг хөнгөвчлөх хөтөлбөр”-ийн гол зорилго оршино.

ДГБ-ын “Глобал худалдааг хөнгөвчлөх хөтөлбөр”-ийн баг Монгол Улсад 2024 оны 07 дугаар сарын 01-05-ны өдрүүдэд ажиллаж, ХХААХҮЯ, Стандартчилал хэмжил зүйн газар, Хил хамгаалах газар, Эрүүл мэндийн яам, Харилцаа, холбооны зохицуулах холбоо, Шударга, өрсөлдөөн хэрэглэгчийн төлөө газар, Үндэсний шуудан, МҮХАҮТ, Худалдааг хөнгөвчлөх үндэсний хороо, Гааль бизнесийн төв, Гаалийн зуучлагчдын холбоо, Эрдэнэт ТӨҮГ, худалдаа эрхлэгч, Гаалийн ерөнхий газрын төлөөлөлтэй уулзаж, өнөөгийн нөхцөл байдлын үнэлгээ хийж, хөтөлбөрт хамрагдах тэргүүлэх чиглэлийг тодорхойлсон.