Гаалийн ерөнхий газар, Авлигатай тэмцэх газартай хамтран гаалийн байгууллагад гаалийн улсын байцаагчаар шинээр томилогдохоор “Гаалийн хэргийн анхан шатны мэдлэг олгох, чиглүүлэх” сургалтад хамрагдаж байгаа оюутнуудад сургалт зохион байгууллаа.

Авлигатай тэмцэх газрын Урьдчилан сэргийлэх, соён гэгээрүүлэх хэлтсийн ажилтан комиссар Д.Золжаргал, Н.Батчулуун нар оюутнуудад Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль, Эрүүгийн хуулийн тусгай ангийн 22 дугаар бүлэгт заасан гэмт хэргийн талаарх ойлголт, түүний хэрэгжилтийн талаар мэдээлэл хүргэж, харилцан ярилцав.