ДГБ-ын гишүүн 185 орон жил бүрийн 1 дүгээр сарын 26-ны өдөр Олон Улсын Гаалийн өдрийг 42 дэх жилдээ өргөн дэлгэр тэмдэглэж байна.

“Гаалийн хамтын ажиллагааны зөвлөлийн конвенц”-ийг 1950 оны 12 дугаар сарын 15-ны өдөр Бельгийн Вант Улсын Брюссель хотод байгуулж, 1952 оны 1 дүгээр сарын 4-ний өдөр гэрээ хүчин төгөлдөр болсноор Дэлхийн гаалийн байгууллага 17 гишүүнтэй байгуулагдсан.

Өдгөө Олон Улсын Гаалийн өдрийг Дэлхийн Гаалийн байгууллагын 185 гишүүн орны 800 мянга гаруй гаалийн албан хаагч нар “Хуучин болон шинэ түншүүдтэйгээ нэгэн зорилгын дор хамтран ажилладаг гааль” гэсэн уриатай тэмдэглэн өнгөрүүлж байна.

Монгол Улсын гаалийн байгууллага энэхүү өдрийн гаалийн байгууллагын нийт албан хаагчдад болон шинэ залуу албан хаагчдад ДГБ-ын зохион байгуулалт, үйл ажиллагааны мэдээллийг бэлтгэн цахим хэлбэрээр түгээж, нийт гаалийн байгууллагын газар хороодтой цахимаар холбогдон мэндчилгээ дэвшүүллээ.