Тэрээр хэлсэн үгэндээ “Үндэсний их баяр наадам, Ардын хувьсгалын 102 жилийн ойг тохиолдуулан эрхэлсэн ажилдаа идэвх зүтгэл, үр бүтээл гарган ажиллаж байгаа гаалийн байгууллагын нийт алба хаагчдадаа баярын мэнд хүргэе.  Монгол Улсын Засгийн газраас гаалийн үйлчилгээг цахим, ил тод, нээлттэй хэлбэрээр үзүүлэх зорилт тавин гаалийн шинэчлэлийн бүтээн байгуулалтын ажил экспорт, импортын голлох боомтууд дээр амжилттай хэрэгжиж байна.  Мөн гадаад худалдааг хөнгөвчлөх, нүүр тулсан харилцааг багасгах, цаг хугацааг хэмнэх, авлига ашиг сонирхлын эрсдэл үүсэхээс урьдчилан сэргийлэх, ил тод нээлттэй бодлого зорилтын хүрээнд гаалийн цахим шинэчлэлийг үргэлжлүүлэн хэрэгжүүлж, gaali.mn системд тулгуурлан гаалийн бүрдүүлэлтийн үйл ажиллагааг нэг цэгт төвлөрүүлэх ажлыг туршилтаар үе шаттай нэвтрүүлж амжилттай хэрэгжүүлж байна. Цаашид эдгээр зорилтыг бодит үр дүнд хүргэж, улс эх орныхоо эдийн засгийн өсөлтийг хангах нь гаалийн албаны  чухал үүрэг болж байна” гэсэн юм.