Гамшгийн аюулын тухай зарлан мэдээллийн дохиогоор ажиллах дадлага сургуульд Гаалийн ерөнхий газрын албан хаагчид идэвхтэй хамрагдлаа.

Дуут дохио дуугарах үеэр мэргэжлийн байгууллагаас өгсөн заавар, зөвлөмжийн дагуу барилга байгууламжаас гарч аюулгүй талбайд очин өөрийн аюулгүй байдлыг хангах, мөн гамшгийн үед авч хэрэгжүүлэх зарим арга хэмжээний талаар заавар, зөвлөмж өгч ажиллалаа.

ЗАРЛАН МЭДЭЭЛЛИЙН ДОХИОГООР АЖИЛЛАХ ҮЕД ХИЙХ 3 АЛХАМ

1. Эхний дохио дуугарахад: Газар хөдлөлтийн чичирхийлэл мэдрэгдэх үе гэж бодон барилгын даацын хана, бат бөх ширээн доогуур орж өөрийн аюулгүй байдлаа ханган түр хүлээх,

2. Хоёр дахь дохио дуугарахад: Газар хөдлөлтийн чичирхийлэл мэдрэгдэхээ болих үе гэж бодон баруун гарын дүрэм баримтлан, толгойгоо хамгаалж яаралтай аюулгүй талбай руу гарах,

3. Гурав дахь дохио дуугарахад: Барилга байгууламжид хүн үлдсэн эсэх талаар мэдэх, аюулгүй байдал хариуцсан ажилтанд бүртгүүлэх