Гаалийн ерөнхий газрын Гаалийн хорио цээрийн газраас харьяа гаалийн газар, хороодын гаалийн улсын байцаагчдад мал, амьтан, тэдгээрийн гаралтай түүхий эд, бүтээгдэхүүнийг улсын хилээр нэвтрүүлэх үеийн мал эмнэлгийн хяналт, хууль тогтоомжийн хэрэгжилт, цаашид авах арга хэмжээ талаар сургалт зохион байгууллаа.

Энэ удаагийн сургалтад Хүнс, хөдөө аж ахуй, хөнгөн үйлдвэрийн яам, Мал эмнэлгийн ерөнхий газар, Улсын мал эмнэлэг, ариун цэврийн төв лабораторийн эрдэмтэн доктор, профессор багш нар мөн Швейцарийн хөгжлийн агентлагийн төслийн ажилтныг урьж оролцуулсан бөгөөд сургалтад хамрагдсан албан хаагчид мэргэжлийн чиглэлийн асуулт болон мал, амьтан тэдгээрийн гаралтай түүхий эд, бүтээгдэхүүний экспорт, импортын хяналт, мал, амьтны гоц халдварт өвчний өнөөгийн байдал, тулгамдаж байгаа болон цаашид анхаарах асуудлаар харилцан санал бодлоо солилцсон үр дүнтэй сургалт боллоо.