mn GB
Mobile menu

ГААЛИЙН ТАРИФЫН ЗӨВЛӨЛИЙН ДҮРЭМ, БҮРЭЛДЭХҮҮНИЙГ ШИНЭЧЛЭН БАТАЛЛАА

suld

Гаалийн тарифын зөвлөлийн бүрэлдэхүүнийг нийт гаалийн харилцаанд оролцогч та бүхэнд танилцуулж байна.

Дэлгэрэнгүй: ГААЛИЙН ТАРИФЫН ЗӨВЛӨЛИЙН ДҮРЭМ, БҮРЭЛДЭХҮҮНИЙГ ШИНЭЧЛЭН БАТАЛЛАА

АВСТРАЛИЙН САЙН ДУРЫН АЖИЛТНЫГ УРЬЖ АЖИЛЛУУЛАХ БОЛОМЖИЙН ТАЛААР САНАЛ СОЛИЛЦЛОО

Picture 006

     Австралийн засгийн газрын санхүүжилттэй Scope Global олон улсын байгууллагын Зүүн Азийн бүс нутаг хариуцсан захирал Ноён Паул Женкинс Гаалийн Ерөнхий Газрын дарга О.Ганбаттай 2014 оны 11-р сарын 19-нд уулзаж 2015 онд Австралийн сайн дурын ажилтныг Гаалийн Ерөнхий Газарт ажиллуулан, гаалийн байцаагч нарыг төрөл бүрийн чиглэлээр мэргэшүүлэх боломжийн талаар харилцан санал солилцсон.

Дэлгэрэнгүй: АВСТРАЛИЙН САЙН ДУРЫН АЖИЛТНЫГ УРЬЖ АЖИЛЛУУЛАХ БОЛОМЖИЙН ТАЛААР САНАЛ СОЛИЛЦЛОО

ГААЛИЙН БАЙГУУЛЛАГААС ОЛОН УЛСЫН ЭРДЭМ ШИНЖИЛГЭЭНИЙ ХУРАЛД ОРОЛЦЛОО.

IMG 4662

      Европын Аюулгүй Байдал Хамтын Ажиллагааны Байгууллагаас “Хилийн аюулгүй байдал ба шилжилт хөдөлгөөний асуудал” сэдэвт олон улсын эрдэм шинжилгээний хурал зохион байгуулахаар шийдвэрлэсэн билээ.
      Дээрх хуралд тавигдах илтгэлийг сонгон шалгаруулахад ГЕГ-ын гаалийн улсын байцаагч Д.Цэндсүрэнгийн “Хилийн аюулгүй байдал, шилжилт хөдөлгөөний эрсдэлийн дүн шинжилгээ: Монгол Улс” сэдэвт эрдэм шинжилгээний өгүүлэл шалгарсан.


10822181 10205395703240531 2014188336 n

      Олон улсын эрдэм шинжилгээний хурал 2014 оны 11 дүгээр сарын 17-21-ний өдрүүдэд Тажикистан Улсын Душанбе хотод зохион байгуулагдлаа.
      “Европын Аюулгүй Байдал Хамтын Ажиллагааны Байгууллага”-ын Тажикистан Улсад байрлах “Хилийн удирдлагын коллеж” нь хилийн судалгаа шинжилгээний ажлыг өргөжүүлэхийн тулд хилийн аюулгүй байдал, шилжилт хөдөлгөөнд тулгараад байгаа хүндрэлтэй асуудалд эрдэмтэн, судлаачид, хилийн хяналтын байгууллагууд хэрхэн хамтран ажиллаж, харилцан туршлага солилцох боломжийг олгох зорилгоор энэхүү эрдэм шинжилгээний хурлыг зохион байгуулж, ЕАБХАБ-ын гишүүн 57 орноос 21 орны 30 төлөөллийг оролцуулсан.

group photo

       Улс орнуудын хилийн аюулгүй байдлыг хамгаалах асуудал хурцаар тавигдаж буй энэ үед хил, гааль, цагаачлалын албаны ажилтнууд болон судлаачдад хилийн аюулгүй байдлыг хамгаалах чиглэлээр хийгдсэн онол, практикийн судалгаатай холбоотой асуудлуудаар харилцан мэдээлэл солилцох боломж олгох, хилийн хяналтын шинэлэг арга барилд суралцах, цаашдын чиг хандлагыг тодорхойлоход эрдэм шинжилгээний хурлын зорилго оршиж байлаа.
      Монгол Улсын Гаалийн байгууллагын төлөөллийн тавьсан илтгэл нь онц сонирхолтой, хуралд оролцогчдын анхаарлыг татахуйц,  тодорхой судалгаа шинжилгээнд үндэслэн асуудал хөндөн тавьсанаараа их ач холбогдолтой байлаа.

 

БАЙГАЛИЙН ХАГАС ҮНЭТ ЧУЛУУГ ХУУЛЬ БУСААР ХИЛ НЭВТРҮҮЛЭХИЙГ ЗАВДЖЭЭ

Chuluu 1

    Эд зүйлийг улсын хилээр хууль бусаар нэвтрүүлэх аливаа зөрчлийг илрүүлэх зорилгоор Гаалийн байгууллага, Цагдаагийн байгууллагатай хамтран ажилласнаар тодорхой үр дүнд хүрч байна.
    Тухайлбал 2014 оны 11 дүгээр сарын 17-ны өдөр Өмнөговь аймаг дахь Шивээхүрэнгийн боомтоор БНХАУ-руу гарах чиглэлд явж 15-12 ӨМА улсын дугаартай саарал өнгийн фургон маркийн тээврийн хэрэгслийг Цагдаагийн байгууллага, Гаалийн байгууллагаас хамтран саатуулж, үзлэг шалгалт хийсэн байна.
    Түр саатуулсан тухайн автомашины жолооч Өмнөговь аймгийн Гурвантэс сумын иргэн Н-г байлцуулан тээврийн хэрэгсэлд нарийвчилсан үзлэг шалгалтыг хийхэд, тээврийн хэрэгслийн дотор хана таазыг зориудаар тоноглож, тухайн хэсэгтээ 125 кг улаан өнгийн байгалийн хас чулууг нуун далдалсан байсан нь илэрлээ.

Дэлгэрэнгүй: БАЙГАЛИЙН ХАГАС ҮНЭТ ЧУЛУУГ ХУУЛЬ БУСААР ХИЛ НЭВТРҮҮЛЭХИЙГ ЗАВДЖЭЭ

ПОЛИМЕР ТҮҮХИЙ ЭД ИМПОРТЛОГЧ АЖ АХУЙ НЭГЖҮҮДИЙН ТӨЛӨӨЛӨЛТЭЙ ГААЛИЙН БАЙГУУЛЛАГА УУЛЗАЛТ ЗОХИОН БАЙГУУЛЛАА

 

Picture 032

2014 оны 11 дүгээр сарын 18-ны өдөр Гаалийн ерөнхий газарт Гаалийн төв лаборатори, Гаалийн хяналт, бүрдүүлэлтийн хэлтэс хамтран гадаад худалдааг хөнгөвчлөх, хууль ёсны худалдааг дэмжих, гаалийн үйлчилгээг хөнгөн шуурхай болгох зорилтын хүрээнд полимер түүхий эд импортлогч аж ахуйн нэгжүүдийн төлөөлөлтэй уулзалт зохион байгууллаа.

Дэлгэрэнгүй: ПОЛИМЕР ТҮҮХИЙ ЭД ИМПОРТЛОГЧ АЖ АХУЙ НЭГЖҮҮДИЙН ТӨЛӨӨЛӨЛТЭЙ ГААЛИЙН БАЙГУУЛЛАГА УУЛЗАЛТ ЗОХИОН...

ТАРВАГАНЫ АРЬС УЛСЫН ХИЛЭЭР ХУУЛЬ БУСААР ГАРГАХЫГ ЗАВДЖЭЭ.

aris 3

     Монгол орны тарваганы нөөц эрс хомсдож, тархац нутагтаа устаж үгүй болж байгааг харгалзан тарвага агнах, экспортлохыг Байгаль орчны сайдын тушаалаар хориглосон байдаг хэдий боловч хууль бус үйлдэл буурахгүй байна.

Дэлгэрэнгүй: ТАРВАГАНЫ АРЬС УЛСЫН ХИЛЭЭР ХУУЛЬ БУСААР ГАРГАХЫГ ЗАВДЖЭЭ.

ГАЛТ ЗЭВСГИЙН СУМ ХУУЛЬ БУСААР НЭВТРҮҮЛЭХИЙГ ЗАВДЛАА

20141027 161152ok

   Гаалийн байгууллага эрсдэлийн судалгаанд үндэслэсэн хяналт шалгалтыг тогтмол зохион байгуулж байна.
ГЕГ-ын Хэрэг зөрчлийн асуудал эрхэлсэн нэгжийн гаалийн улсын байцаагч нар 2014 оны 10 дугаар сарын 28-ний өдөр АНУ-с илгээгдэн ирсэн чингэлэг бүхий түүвэр ачаанд нарийвчилсан үзлэг шалгалтыг зохион байгуулан ажиллалаа.

Дэлгэрэнгүй: ГАЛТ ЗЭВСГИЙН СУМ ХУУЛЬ БУСААР НЭВТРҮҮЛЭХИЙГ ЗАВДЛАА

ЧОНЫН АРЬС УЛСЫН ХИЛЭЭР ХУУЛЬ БУСААР ГАРГАХЫГ ЗАВДЛАА

logo

ГЕГ-ын харьяа Буянт-Ухаа дахь Гаалийн Газрын гаалийн ажилтнууд 2014 оны 10 дугаар сарын 28-ны өдөр Улаанбаатар-Бээжин чиглэлийн  онгоцоор зорчих гэж байсан БНХАУ-ын иргэний ачаа тээш, эд зүйл, авч явсан цүнх зэргийг рентген аппарат ашиглан шалгахад 17  ширхэг чонын арьс илэрсэн байна.

Дэлгэрэнгүй: ЧОНЫН АРЬС УЛСЫН ХИЛЭЭР ХУУЛЬ БУСААР ГАРГАХЫГ ЗАВДЛАА

ГААЛЬЧИД ОЙН БАЯРААРАА ШАГНАГДЛАА

0J8A3111

Гаалийн байгууллагад он удаан жил идэвх зүтгэлтэй, үнэнч шударга, үр бүтээлтэй ажилласан нэр бүхий гаалийн улсын байцаагч нарыг одон медалиар шагнах ёслолын арга хэмжээ 2014 оны 10 сарын 20 өдөр Гаалийн Ерөнхий Газарт зохион байгуулагдлаа. Дээрх шагналыг Гаалийн Ерөнхий Газрын дарга О.Ганбат гардуулахын хамт, цаашдын ажил үйлсэд нь улам өндөр амжилтыг хүссэн юм.

Дэлгэрэнгүй: ГААЛЬЧИД ОЙН БАЯРААРАА ШАГНАГДЛАА

ГААЛИЙН ЕРӨНХИЙ ГАЗРЫН ДАРГА О.ГАНБАТ МЭНДЧИЛГЭЭ ДЭВШҮҮЛЖ БАЙНА.

darga

ГААЛИЙН ЕРӨНХИЙ ГАЗРЫН ДАРГА О.ГАНБАТ МЭНДЧИЛГЭЭ
ДЭВШҮҮЛЖ БАЙНА.

Монгол Улсад Гаалийн Алба үүсч хөгжсөний 102 жилийн ой энэ өдрүүдэд тохиож байна. Үе үеийн эрхэм хүндэт ахмад Гаальчид, одоо хийж бүтээн хоёргүй сэтгэлээр зүтгэж байгаа нийт гаалийн улсын байцаагчид, гадаад худалдаанд оролцон баялаг бүтээх эрхэм хүндтэй үүргийг гүйцэтгэж буй гаалийн харилцаанд оролцогчиддоо түүхт ойн баярын мэндийг хүргэж байна.

Дэлгэрэнгүй: ГААЛИЙН ЕРӨНХИЙ ГАЗРЫН ДАРГА О.ГАНБАТ МЭНДЧИЛГЭЭ ДЭВШҮҮЛЖ БАЙНА.

ГААЛИЙН ЕРӨНХИЙ ГАЗРЫН ДАРГА МЭДЭЭЛЭЛ ХИЙЖ БАЙНА

logo

Засгийн газрын “Бүтээн байгуулалтын цаг”-аар
хийх мэдээллийг хүргэж байна.

Та бүхний энэ өдрийн амгаланг айлтгая.

МУ-ын Гаалийн байгууллагаас Шинэчлэлийн ЗГ байгуулагдсанаас хойшх 2 жил гаран хугацаанд хийсэн ажил үйлсийнхээ талаар товч мэдээлэл хийх гэж байна.

Сүүлийн үед Гаальд эрс шинэчлэл хийгдэж байгаа талаар олон нийтийн дунд сайн муугаар багагүй яригдаж байгаа. Тиймээс бид та бүхэнд түгээх мэдээллээ Гаальчид бид “шинэчлэл”-ийг хэрхэн ойлгож байгаа гэдгээс эхэлье.

Дэлгэрэнгүй: ГААЛИЙН ЕРӨНХИЙ ГАЗРЫН ДАРГА МЭДЭЭЛЭЛ ХИЙЖ БАЙНА

ГААЛИЙН ЕРӨНХИЙ ГАЗРЫН ДАРГА О.ГАНБАТ 11-11 ТӨВД АЖИЛЛАА

0J8A8593

     2014 оны 10 сарын 15-ны 11 цагаас Засгийн газрын 11-11 төвд Гаалийн ерөнхий газрын дарга О.Ганбат хүрэлцэн ирж, иргэдийн асуултад хариуллаа.  
     Гаалийн байгууллага хүнд сурталтай, авилгад идэгдсэн гэсэн ойлголт нийгэмд бий. Энэ байдалд гаалийн өнөөгийн удирдлага олон талын дүгнэлт хийж, юуны өмнө гаалийн бүрдүүлэлтийн үйл ажиллагааг хөнгөн шуурхай болгох, гаальчид болон үйлчлүүлэгчийн нүүр тулан ажиллахыг багасгаж, гаалийн хяналт, бүрдүүлэлтэд зарцуулах цаг хугацааг богиносгоход анхаарч ажиллалаа гэж Гаалийн ерөнхий газрын дарга О.Ганбат хэллээ.

Дэлгэрэнгүй: ГААЛИЙН ЕРӨНХИЙ ГАЗРЫН ДАРГА О.ГАНБАТ 11-11 ТӨВД АЖИЛЛАА