mn GB
Mobile menu

“Хил хяналтын байгууллагуудын үйл ажиллагаанд тулгамдаж буй асуудал”

logo

“Хил хяналтын байгууллагуудын үйл ажиллагаанд тулгамдаж буй зарим асуудал” сэдэвт эрдэм шинжилгээний бага хурал 2015 оны 3 дугаар сарын 27-ны өдөр Монгол Улсын Хууль Сахиулахын Их Сургууль дээр зохион байгуулагдлаа.

Дэлгэрэнгүй: “Хил хяналтын байгууллагуудын үйл ажиллагаанд тулгамдаж буй асуудал”

Гааль, хилийн хяналтын байгууллагуудын зөвлөлдөх уулзалт

dornod 1

Дэлхийн Гаалийн байгууллагаас 2015 оныг “Хилийн нэгдсэн менежментийн жил” болгон зарласан билээ.

Энэ ажлын хүрээнд “Хамтын ажиллагааны үр өгөөжийг сайжруулъя” хилийн хяналтын байгууллагуудын зөвлөлдөх уулзалтыг Гаалийн ерөнхий газрын харьяа Дорнод аймаг дахь Гаалийн газраас санаачлан 2015 оны 03 дугаар сарын 25-ны өдөр Зүүн бүсэд амжилттай зохион байгууллаа.

dornod 2

Дэлхийн улс орнуудын Гаалийн байгууллага бүр хил дээрх үйл ажиллагаагаа илүү түргэн шуурхай болгон сайжруулах, үүний тулд хамтарч ажилладаг хилийн хяналтын байгууллага болон хөрш орны Гаалийн байгууллагуудтай хамтын ажиллгаагаа улам өргөжүүлж, тодорхой үр дүнд хүрэхийг “гадаад худалдаа” биднээс шаардаж байна.

Дэлхийн гаалийн байгууллагаас дэвшүүлсэн зорилтын хүрээнд хийж байгаа энэ ажил нь нөгөө талаас Дорнод аймаг дахь Хавирга-Ар хашаатын боомт байнгын үйл ажиллагаанд шилжсэнтэй холбоотой хийгдэж буй ажил юм.

Хэдийгээр хилийн хяналтын байгууллагуудын үйл ажиллагаа, чиг үүрэг, эрх хэмжээ харилцан адилгүй ч хилийн хяналтын байгууллагууд хамтран ажилласнаар “Хилийн нэгдсэн мененжмент”-ийн давуу талууд болох хилийн байгууллагуудын үйлчилгээний хүртээмж сайжрах, үйл ажиллагааны давхардал багасах, өртөг зардал хэмнэх, хамтын ажиллагааны зохистой оролцоог бий болгох, тээврийн зардал багасах, мэдээлэл солилцоо өргөжих болон хилийн үйл ажиллагаанд оролцогчдын уялдаа холбоо сайжрах зэрэг үр дүнтэй.

dornod 3

 

Даяарчлалын үйл явц хурдацтай тэлэх тутам олон улсын худалдааны аюулгүй байдлыг хангах, түүнчлэн дэлхий нийтийн анхаарлыг зүй ёсоор татаж байгаа зохион байгуулалттай гэмт хэрэг, худалдааны луйвартай тэмцэх, түүнээс урьдчилан сэргийлэх, байгаль экологийн тэнцвэртэй байдлыг хангахад бусад орны хилийн хяналтын байгууллагууд аль хэдийнээ хамтран ажилладаг болсон байна. Энэ шаардлага бидэнд ч нэгэн адил тавигдаж байна.

Мөрдөгдөж байгаа хууль тогтоомжуудаа олон нийтэд сурталчлах, зөрчлөөс урьдчилан сэргийлэх, гаалийн холбогдолтой дүрэм журмыг ил тод, ойлгомжтой, нэг мөр байдлаар хэрэглэх, гаалиар үйлчлүүлэгч байгууллага, бизнесийн хүрээнийхэний саналыг дүрэм журамдаа тусгуулах, гааль бизнесийн түншлэлийг өргөжүүлэх зорилгоор Гаалийн байгууллагаас цаашид ч тодорхой ажлуудыг хийх болно.

dornod 4

“Хамтын ажиллагааны үр өгөөжийг сайжруулъя” уулзалтад оролцогчдоос цаашдын “Харилцан ойлголцлын санамж бичиг” гаргахаар тохиролцлоо.

Хилийн хяналтын байгууллагын удирдлагууд уулзалтаараа хил дээр болж бүтэж байгаа зүйл ярихаасаа илүүтэйгээр хүндрэлтэй байгаа асуудал, түүнээс гарах арга замыг эрэлхийлэн ярилцаж нэгдсэн ойлголтод хүрсэн нь энэхүү уулзалтын гол ач холбогдол боллоо.

Замын-Үүд дэх Гаалийн газарт нээлттэй хаалганы өдөрлөг зохион байгуулагдлаа

DSC 0201

Гаалийн ерөнхий газрын харьяа Замын-Үүд дэх гаалийн газар 2015 оны 03 дугаар сарын 26-ны өдөр гаалийн байгууллагын үйл ажиллагааг сурталчилах, үйлчилгээний хүртээмжийг нэмэгдүүлэх, ил тод байдлыг хангах, гаалийн харилцаанд оролцогчдод хууль тогтоомжтой холбоотой мэдээлэл, зөвлөгөө өгөх, хууль сахилтын түвшинг дээшлүүлэх зорилгоор “НЭЭЛТТЭЙ ХААЛГАНЫ ӨДӨРЛӨГ”-ийг зохион байгууллаа.

Дэлгэрэнгүй: Замын-Үүд дэх Гаалийн газарт нээлттэй хаалганы өдөрлөг зохион байгуулагдлаа

“Гаалийн Цом-2015” амжилттай зохион байгуулагдлаа

Picture 258

Гаалийн ерөнхий газрын нийт ажилтан, ажиллагсдын дунд зохион байгуулагддаг спортын олон төрөлт “ГААЛИЙН ЦОМ-2015” тэмцээн 2015 оны 03 дугаар сарын 20-23 өдрүүдэд Монгол Улсын нийслэл Улаанбаатар хотноо амжилттай зохион байгуулагдаж өндөрлөлөө.

Picture 594

Энэхүү спортын олон төрөлт тэмцээн нь 2001 оноос эхлэн жил бүр сагсан бөмбөг, гар бөмбөг, ширээний теннис, билльяард, шатар гэсэн 5 төрлөөр 15 дахь дахь жилдээ зохион байгуулагдаж байна.

Picture 610

Тэмцээний зорилго нь нийт гаалийн улсын байцаагчдын бие бялдар, эрүүл мэнд, хамтач зорилгыг хөхиүлэн дэмжих зорилготой бөгөөд Гаалийн байгууллагын удирдлагаас онцгой анхааран дэмжиж ирсэн байна.

Picture 694

“ГААЛИЙН ЦОМ-2015” тэмцээнд нийт гаалийн газар хороодын 200 гаруй тамирчид хурд хүч авхаалж самбаагаа сорин өрсөлдөж бахдам сайхан амжилт гаргасан юм.

Picture 697

Энэ удаагийн олон төрөлт тэмцээний нийт дүнгээр 1-р байр, Алтан медаль, Шилжин явах цомын эзнээр Гаалийн Ерөнхий Газрын баг тэргүүн байранд, 2-р байр, Мөнгөн медалийн эзнээр Улаанбаатар хот дахь Гаалийн Газрын баг, 3-р байр Хүрэл медалийн эзнээр Буянт-Ухаа дахь Гаалийн газрын баг тус тус шалгарлаа.

Тэмцээнд оролцож бахдам сайхан амжилт үзүүлж шалгарсан нийт баг тамирчиддаа спортын өндөр амжилд хүсэн ерөөе.

ГААЛИЙН ЕРӨНХИЙ ГАЗРЫН ДАРГААР Б.ЦЭНГЭЛ ТОМИЛОГДЛОО.

01 zurag

Монгол Улсын Засгийн Газрын шийдвэрээр 2015 оны 03 дугаар сарын 11-ний өдрөөс эхлэн Гаалийн ерөнхий газрын даргаар Б.Цэнгэл томилогдон ажиллаж эхэллээ.

Б.Цэнгэл нь хуульч, эрх зүйч мэргэжилтэй, удирдахуйн ухааны магистр зэрэгтэй, Япон улсын Токио хотын Итабаши дүүргийн захиргаа, орон нутгийн удирдлагад “Засаг захиргаа”-ны чиглэлээр, мөн Токио хотын Гаалийн институт-д “Гаалийн удирдлага”-ын чиглэлээр суралцаж мэргэшсэн.

Дэлгэрэнгүй: ГААЛИЙН ЕРӨНХИЙ ГАЗРЫН ДАРГААР Б.ЦЭНГЭЛ ТОМИЛОГДЛОО.

Төрийн албаны зөвлөлийн ГЕГ-ын дэргэдэх Салбар зөвлөлийн 2014 оны ажлыг Төрийн албаны зөвлөлөөс үнэллээ.

logo

ТАЗ-ийн 2015 оны 2-р сарын 12-ны өдрийн хуралдаанаар Төрийн албаны зөвлөлийн салбар зөвлөлүүдийн 2014 оны үйл ажиллагааны дүнг ТАЗ-ийн 2014 оны 126-р тогтоолоор батлагдсан “Төрийн албаны зөвлөлийн Салбар зөвлөлийн үйл ажилагааны үр дүнг үнэлж, дүгнэх журам”-ын дагуу хэлэлцэж нэгдсэн дүнг гаргасан байна. Уг үнэлгээгээр ГЕГ-ын дэргэдэх Салбар зөвлөл нь 162 оноогоор 15 агентлаг болон бусад байгууллагуудаас 4-р байр эзэлсэн байна.

Өмнөх жилүүдийн үнэлгээгээр, 2012 онд 110 оноогоор 9-р байр, 2013 онд 120 оноогоор мөн 9-р байр эзэлж байсан байна.

Салбар зөвлөлүүдийн 2014 оны үйл ажиллагааг дүгнэх тухай

ТЕНДЕРИЙН УРИЛГА

logo

2015 оны 2-р сарын 26-ны өдөр

Тендер шалгаруулалтын нэр: Гаалийн улсын байцаагчийн дүрэмт хувцас нийлүүлэх нийлүүлэгчийг сонгон шалгаруулах тендер

Тендер шалгаруулалтын дугаар: 2/2015

Гаалийн ерөнхий газар нь эрх бүхий тендерт оролцогчдоос: Гаалийн улсын байцаагчийн зуны ажлын хувцас, хавар, намрын хүрэм, өвлийн ажлын хувцас, костюм, цагаан, цэнхэр сорочкан цамц нийлүүлэх тухай битүүмжилсэн тендер ирүүлэхийг урьж байна.

I багц: зуны ажлын хувцас 300 хос,
II багц: хавар, намрын хүрэм 150 ширхэг,
III багц: өвлийн ажлын хувцас 150 хос,
IV багц: костюм 700 хос
V багц: цагаан сорочкан цамц 1300 ширхэг
VI багц: цэнхэр сорочкан цамц 1300 ширхэг
Тендерийн баримт бичгийг (хүсвэл нэмэлт хувийг) бичгээр хүсэлтээ гаргаж, эргэж төлөгдөхгүй нөхцөлтэйгээр 240’000.0 /хоёр зуун дөчин мянга/, багц тус бүрийг 40’000.0 /дөчин мянга/ төгрөг, эсхүл түүнтэй тэнцэх хэмжээний чөлөөтэй хөрвөх валютаар худалдан авч болно. Тендер нь түүнийг нээсэн өдрөөс эхлэн 45 хоногийн дотор хүчинтэй байна.

Тендерийн хамт тендерийн үнийн дүнгийн 2 хувьтай тэнцэх төгрөгийн дүнтэй тендерийн баталгаа ирүүлнэ.

Тендерийг 2015 оны 3-р сарын 26-ны өдрийн 11.00 цагаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2014 оны 3-р сарын 26-ны өдрийн 11 цаг 30 минутад нээнэ.

Гадаадын этгээд тендер ирүүлэх эрхгүй.

Сонирхсон этгээд тендерийн баримт бичиг болон бусад мэдээллийг доорх хаягаар авч болно.
Хаяг:
Гаалийн ерөнхий газар
210620 Улаанбаатар хот. Сүхбаатар дүүрэг 8-р хороо
Их тойруу 81/1. ГЕГ-ын төв байр 406 тоот өрөө. Утас: 352775
Банк: Төрийн сан Данс: 900011036

САР ШИНИЙН МЭНДЧИЛГЭЭ

Untitled

Золбоо хийморийн бэлгэдэл хөх морин жилийн төвөргөөн алсарч, хотлоор жаргаххонин жил айлчлан ирж байна.Улиран одож буй морин жилд гаальчид бид гаалийн бүрдүүлэлтийн технологидараалалд эрс өөрчлөлт хийх, цаасгүй гаалийн бүрдүүлэлтийн үйл ажиллагааг эхлүүлэх, хилорчмын үнийн судалгаа, импортын суудлын автомашины үнийн мэдээллийг нийтэд ил тодболгох, гаалийн үнийг тодорхойлох явцад хяналт тавих боломжийг бүрдүүлэх замаар гадаадхудалдааг хөнгөвчлөх, гаалийн харилцаанд оролцогчдын цаг хугацаа, зардлыг хэмнэхэд чухалалхам хийж чадсан.

Энэ бол том амжилт! Баярлалаа.Цаг хугацаа юуг ч хүлээлгүй өөрийн жамаар урсан өнгөрөх бөгөөд бид түүнтэйуралдан, боломжийг алдалгүй хүрсэн түвшингээ ахиулах, цаашид тэмүүлэх, эрхэмсэг, нандингаалийнхаа нэр хүндийг цэвэр, ариунаар авч явах хариуцлагатай үүрэг маань үргэлжилсээр ...

Айлчлан ирж буй XVII жарны модон хонин жилийг бид “Гааль, бизнесийн хамтынажиллагааг дэмжих жил” болгон зарласан. Энэхүү зорилтын хүрээнд цахим бүрдүүлэлтийгөргөжүүлэх, цахим төлбөр, тооцоог нэвтрүүлэх, эдийн засгийн итгэмжлэгдсэн операторын үйлажиллагааг урагшлуулах, уулзалт, ярилцлагыг өргөн хэмжээнд зохион байгуулах зэрэг олонарга хэмжээ биднийг хүлээж байгаа.

Бид чадна! Энэ бол итгэл! Амжилт хүсье!Монгол Улсын гаалийн алба хаагч, ахмад гаальчид та бүхэндээ айл хотол, ахандүүсээрээ сэтгэл дүүрэн жаргалтай, хүсэл тэмүүлэл өөдрөг тэнүүн, ажил үйлс бүтэмжтэй, юусанасан есөн цагаан хүсэл нь биелэн, буян заяа нь булаг мэт дүүрэн хурж, аз хийморьтой,амгалан тайван, ухаалаг мэргэн, сонор соргог байхын өлзийтэй ерөөлийг өргөн дэвшүүлье.Сар шинэдээ сайхан шинэлээрэй.

МОНГОЛ УЛСЫН ГААЛИЙН ЕРӨНХИЙ ГАЗРЫН ДАРГА О.ГАНБАТ

Монгол Улсын Гаалийн Улсын байцаагч Т.Ширэндэвийг "Хөдөлмөрийн гавъяаны улаан тугийн одон" медаллаар шагнажээ.

IMG 0025 SH

ГЕГ-ын дэргэдэх Гаалийн зөрчил шуурхай хяналтын албаны Гаалийн улсын байцаагч Түвшинжаргалын Ширэндэвийг гаалийн байгууллагад олон жил, үр бүтээлтэй, идэвхи зүтгэлтэй ажилласаныг төрөөс өндөрөөр үнэлэн 2015 оны 02 дугаар сарын 18-ны өдөр "Хөдөлмөрийн гавъяаны улаан тугийн одон" медаллаар шагнагдсан явдалд хамт олны зүгээс чин сэтгэлийн баяр хүргэж байна. ГЗШХА

“ХАМТЫН АЖИЛЛАГААНЫ САНАМЖ БИЧИГ”-ийг баталгаажууллаа

0J8A0081

Гаалийн ерөнхий газар, Тахарын ерөнхий газар хоорондын “ХАМТЫН АЖИЛЛАГААНЫ САНАМЖ БИЧИГ”-т гарын үсэг зурах ёслолын арга хэмжээ 2015 оны 02 дугаар сарын 16 өдөр зохион байгуулагдлаа.

Гаалийн байгууллага нь Үндэсний аюулгүй байдал болон эдийн засгийн аюулгүй байдлыг сахин хамгаалах, улсын төсвийн орлогыг бүрдүүлэх чиг үүргээ хуулийн хүрээнд биелүүлж ирсэн билээ.

0J8A0067

Гэвч улс эх орны эдийн засгийн аюулгүй байдлыг улам бататгах, хил гааль дээр үйлдэгдэж буй хууль бус үйлдлийг таслан зогсоох, гэм буруутай аливаа этгээдийг үйлдэл дээр нь илрүүлэх, эд мөрийн баримтыг алдагдахаас урьдчилан сэргийлэх, гэмт хэрэгт сэжиглэгдэж буй этгээд хил дамнан оргон зайлахаас сэргийлэх зорилгоор Хууль хяналтын бусад байгууллагатай хамтран ажиллах шаардлага зүй ёсоор урган гарч байна.

0J8A0057

Энэ бүх үйл ажиллагаанд Гаалийн байгууллага болон Тахарын ерөнхий газрын хамтын ажиллагаа зайлшгүй чухал юм.

Гарын үсэг зурах ёслолын арга хэмжээнд Гаалийн ерөнхий газрын дарга, Гаалийн ерөнхий байцаагч О.Ганбат тэргүүтэй удирдах албан тушаалтнууд, мөн Тахарын ерөнхий газрын дарга, тэргүүн тахар Ц.Азбаяр тэргүүтэй удирдах албан тушаалтнууд оролцлоо.

0J8A0028

Хоёр байгууллагын цаашдын хамтын ажиллагаанд өндөр амжилт хүсэн ерөөе.

2015 оны “Гаалийн байгууллагын удирдах ажилтны зөвлөлгөөн” дээр Сангийн дэд сайд С.Пүрэвийн хэлсэн үг

2

Монгол Улсын Гаалийн байгууллагын Удирдах ажилтны 2015 оны зөвлөлгөөнд оролцогч Та бүгдэд энэ өдрийн мэндийг дэвшүүлье.

Аливаа улсын гааль бол тухайн орныхоо хөгжлийн түвшний хэмжүүр, хүн ардын зан байдлын илрэл байдаг бөгөөд харин гаальчид бол үндэсний аюулгүй байдал, хүн амын эрүүл мэнд, соёлын өвийг сахин хамгаалахад жинтэй үүрэг хүлээсэн торгон хилийн манаа, төрийн тусгай албаны дайчид юм. Ийм ч учраас монголын төр засаг гаалийн байгууллага, гаальчиддаа онцгой хүндэтгэлтэйгээр хандахын сацуу чанд сахилга бат, өндөр хариуцлага, бахдам ёс зүйтэй ажиллах хатуу шаардлага тавьдаг.

Сүүлийн жилүүдэд авилгал, хүнд сурталтай холбоотой бусармаг үйлдлүүд монголын нийгмийн амьдралд газар авч, иргэд, бизнэс эрхлэгчдэд хүнд дарамт учруулах болж, эдгээр нэр томъёо ч хоол хүнс адил өдөр тутмын хэрэглээ болтлоо үг ярианд хэрэглэгдэх болсныг олон нийт эрс шүүмжлэх болсон. Энэ шүүмжлэл гаалийн байгууллага, гаальчдыг ч тойроогүйг Та бид мэднэ.

Энэ байдлыг засаж залруулах талаар өнгөрсөн 2 жилийн хугацаанд монголын гаальчдын хийсэн ажил үйлс, санал санаачлагуудыг Сангийн яам анхааралтай ажиглаж, удирдан чиглүүлж, дэмжин ажилладаг билээ.

Хууль ёсны худалдааг хөнгөвчлөх, гадаад худалдаанд оролцогчдод тулгарч буй саад бэрхшээлийг багасгах зорилгоор гаалийн бүрдүүлэлтийн үйл ажиллагааг цахимжуулах ажлуудыг хэрэгжүүлж эхэлсэн, гаалийн бүрдүүлэлтийн технологи үйл ажиллагааны шат дамжлагыг 2 дахин цөөрүүлсэн, хилийн хамтарсан манифестийн хэрэглээг олшруулсан зэрэг нь цаг хугацаа, зардал хэмнэсэн зоримог шийдлүүд болсон бөгөөд хүлээсэн үр дүнгээ ч өгөөд байна. Үүний нэг нотолгоо нь Америкийн Худалдааны танхимын Монгол дахь салбар, АНУ-ын хөгжлийн агентлаг, Бизнесийг дэмжих санаачлага төслийн “Сант Марал” судалгааны төвтэй хамтран хийдэг дүнгээс харахад 2014 оны 12 дугаар сарын байдлаар гаалийн байгууллагаас бизнест учруулж буй саад гэсэн үзүүлэлт 2012 оны мөн үетэй харьцуулахад бизнесийн дарамт 4.6 дахин буурч 4.2 хувьтай болсон явдал юм.

Авилгатай тэмцэх газраас байгууллагын ил тод байдал, авилгатай тэмцэх талаар авч хэрэгжүүлж буй арга хэмжээнд өгдөг үнэлгээгээр 2013 онд нийт 50 байгууллагаас Монголын Гааль сүүлээсээ 2-т орж байсан бол 2014 онд эхнээсээ 11-т жагсжээ. Энэ бол яах аргагүй гаалийн хяналт шалгалтын үйл ажиллагаанд шинээр нэвтрүүлсэн камерын хяналтын систем, давхар хяналтын тогтолцоо, шинээр суурилуулсан рентген тоног төхөөрөмж болон гаальчдын маань цаглашгүй хөдөлмөрийн үр өгөөж юм.

Энэ оны эхнээс монголын төр засаг шилэн дансны тогтолцоог нэвтрүүлсэн. Үүний үр дүнд төрийн бүх шатны байгууллагын санхүүгийн үйл ажиллагаа, татвар төлөгчдийн мөнгөний зарцуулалтад өргөн олны зүгээс тавих хяналт ил тод боллоо. Төрийн байгууллага бүр санхүүгийн хатуу сахилгыг сахиж, аливаа өр, авлагыг үүсгэлгүй, хууль бус үйлдэл гаргалгүй ажиллах ёстой юм.

Монголын гааль энэ тал дээр онцгой анхаарал тавин ажилласнаар 2013 онд санхүүгийн зөрчилгүй хамт олон болсныг Үндэсний аудитын газраас өгсөн дүгнэлт харуулж байна. Энэ бол тун сайн хэрэг. Энэ эрчээ алдалгүй хойшид жил тутам зөрчилгүй ажиллаж чадна гэдэгт Монгол Улсын Сангийн яам гаальчиддаа бүрэн итгэж байдгаа энэ индрээс илэрхийлэх байна.

3

Гаалийн байгууллагын нэг гол зорилт бол улсын төсвийн орлого төвлөрүүлэх явдал байдаг. Өнгөрсөн 2014 онд гаалийн байгууллага улсын төсөвт 1.919 тэрбум төгрөг төвлөрүүлэхээс 1.566 тэрбумыг төвлөрүүлжээ. Гүйцэтгэл 81.6 хувьтай, тасалдал 353 тэрбум төгрөг байна. Манай улсын нийт импорт 1 тэрбум гаруй ам.доллароор багасч, санхүүгийн жилийн дундуур татварын хөнгөлөлт, чөлөөлөлт, хойшлуулалтын хэд хэдэн шийдвэр гарсан зэрэг нөлөөлөх хүчин зүйлүүд байсан ч улс орон маань санхүү, эдийн засгийн хүндрэл, бэрхшээлтэй байгаа энэ цаг үед төсөв төвлөрүүлэгч бүр төлөвлөгөөгөө ягштал биелүүлэхийн төлөө зүтгэх ёстой. Гаальчид маань ч анхаарч ажиллана гэж бүрэн итгэж байгаа.

Энэ 2015 оны төсвийн төлөвлөгөө сүүлийн жилүүдийн төлөвлөгөө дундаа илүү бодит, амьдралд ойртсон төлөвлөгөө болсон гэж шийдвэр гаргагчид дүгнэж байгаа. Гаалийн байгууллага энэ онд 1.863 тэрбум төгрөгийн төлөвлөгөөтэй. Иймд оны эхнээс өнгөрсөн жилийн төлөвлөгөөний гүйцэтгэлд нарийн дүн шинжилгээ хийж, нөлөөллийн хүчин зүйлүүдийг нягтлан тогтоож, харгалзан гаргасан графикийн дагуу тасалдалгүй биелүүлэн ажиллах шаардлагатай байна. Ингэж чадна гэдэгт ч итгэлтэй байгаа.

Та бүгдэд сайн сайхныг хүсэн ерөөе! Гаалийн удирдах ажилтны энэ өдрийн зөвлөлгөөнд амжилт хүсье!