mn GB
Mobile menu

ГААЛИЙН БАЙГУУЛЛАГЫН УДИРДАХ АЖИЛТНЫ ЗӨВЛӨГӨӨН -2020

 MG 6127

Гаалийн байгууллагын удирдах ажилтнуудын зөвлөлдөх уулзалт боллоо. 2020 оны 1 дүгээр сарын 23-24-нд хоёр өдөр болж буй уг зөвлөгөөнд гаалийн ерөнхий газар, дэргэдэх байгууллага, зохион байгуулалтын бүтцийн нэгжийн дарга нар өнгөрсөн онд хийсэн ажлаа тайлагнаж, цаашид анхаарах зөвлөмжийг танилцуулж, санал солилцлоо.

Монголын гаалийн байгууллага бусад орнуудын гаалийн байгууллагын адил ДГБ-ын багц стандартыг баримтлан дэвшилтэт техник, технологид суурилсан ухаалаг гаалийн хяналтыг зохион байгуулах, гаалийн хяналтын цогц шийдлүүдийг нэвтрүүлэхийг чухалчлан үзэж, ажиллаж байна.

Өнгөрсөн онд Гаалийн төв болон салбар лабораториуд, хилийн боомтуудын цогцолбор, Шуурхай хяналт, удирдлагын төвийн барилгын ажил зэрэг бүтээн байгуулалтын ажлыг өрнүүлж, гаалийн шинэчлэлийг амжилттай эхлүүлсэн.

Мөн 2019 онд гадаад хамтын ажиллагааны хүрээнд өндөр ач холбогдолтой олон арга хэмжээг Монгол Улсад зохион байгуулжээ. БНХАУ, БНСУ-тай "Итгэмжлэгдсэн аж ахуйн нэгж”-ийн хөтөлбөрийг харилцан хүлээн зөвшөөрсөн, БНХАУ-тай хиллэдэг боомтуудын цогцолборын бүтээн байгуулалтыг өрнүүлж нэвтрэх хүчин чадлыг нэмэгдүүлэх талаар тодорхой арга хэмжээнүүдийг зохион байгуулж байна. Мөн Монгол-Оросын гаалийн байгууллагуудын стратегийн хамтын ажиллагааны төлөвлөгөөг дахин 5 жилээр сунгаж, 2020-2024 оны төлөвлөгөөг байгуулсан. 2019 онд эхлүүлсэн бүтээн байгуулалт, шинэчлэлийн олон ажлыг цаашид амжилттай үргэлжлүүлэх зорилтийг гаалийн байгууллагын дарга онцлон тэмдэглэв.

 MG 6243

Уулзалтад Сангийн сайд Ч.Хүрэлбаатар оролцож үг хэллээ. Тэрээр Гаалийн байгууллага өнгөрсөн онд улсын төсвийн өмнө хүлээсэн үүргээ бүрэн биелүүлж, анх удаа 3,1 их наяд төгрөгийн орлогыг улсын төсөвт төвлөрүүлсэнд баяр хүргэж Гасгийн газар, Сангийн яамны нэрийн өмнөөс талархал илэрхийллээ. Мөн гаалийн байгууллагын боомтуудыг шинэчлэх ажилд онцгойлон анхаарал хандуулж байгаагаа илэрхийлээд 2019 онд улсын төсвөөс 65.3 тэрбум төгрөгийг гаалийн шинэчлэлийн ажлыг хийхэд зориулсан. Харин 2020 онд 80 тэрбум төгрөг, нийт 145.3 тэрбум төгрөгийн санхүүжилийг улсын төсвөөс гаалийн шинэчлэлд зориулахаар тусгасан. Шинэчлэлийн ажлыг зохион байгуулах тал дээр гаалийн байгууллага сайн ажиллаж байгаа гэдгийг онцлон тэмдэглээд цаашдын амжилт хүслээ.

 MG 6159

2020 оныг Монгол Улсын Гаалийн байгууллагаас “ГААЛИЙН ШИНЭЧЛЭЛ-ТОГТВОРТОЙ ХӨГЖИЛ 2020” жил болгон тодорхойллоо.

ИХ ТҮМЭН САНААЧЛАГА ТӨСЛИЙН ХҮРЭЭНД “ХУДАЛДААГ ХӨНГӨВЧЛӨХ, ЧАДАВХИЙГ БЭХЖҮҮЛЭХ VIII ДАХЬ УУЛЗАЛТ”-Т АМЖИЛТТАЙ ОРОЛЦОВ

DSC03267

Их түмэн санаачлага төслийн гадаад худалдааг хөнгөвчлөх, чадавхийг бэхжүүлэх 8-р уулзалт 2019 оны 11 дүгээр сарын 19-21-ны өдрүүдэд БНСУ-ын Бусан хотноо амжилттай зохион байгуулагдлаа. Энэхүү уулзалтыг БНСУ-ын гаалийн байгууллага хамтран зохион байгуулав. Тус уулзалтаар төслийн гишүүн орнуудын (БНХАУ, ОХУ, БНСУ, МУ) гаалийн байгууллагын Итгэмжлэгдсэн аж ахуйн нэгжийн хөтөлбөр /ИААН/- ийг хэрэгжүүлэх хүрээнд тулгамдсан асуудал болоод харилцан шилдэг туршлагуудаас мэдээлэл солилцон нээлттэй хэлэлцүүлэг өрнүүлэв. Энэ уулзалтад МУ-ын ГЕГ-аас хэрэгжүүлж байгаа ИААН-ийн хөтөлбөрийн хүрээнд хийгдсэн Харилцан хүлээн зөвшөөрөх хэлэлцээр /ХХЗХ/- ийн өнөөгийн нөхцөл байдал, цаашид хийх ажлын талаар дэлгэрэнгүй илтгэл, танилцуулга бэлтгэн оролцов.

Дэлгэрэнгүй: ИХ ТҮМЭН САНААЧЛАГА ТӨСЛИЙН ХҮРЭЭНД “ХУДАЛДААГ ХӨНГӨВЧЛӨХ, ЧАДАВХИЙГ БЭХЖҮҮЛЭХ VIII ДАХЬ...

ГАДААД ХУДАЛДАА 2019 ОНЫ ЭХНИЙ 10 САРЫН ГҮЙЦЭТГЭЛ

logo blue

НИЙТ БАРАА ЭРГЭЛТ

Гадаад худалдааны нийт бараа эргэлт 2019оны эхний 10 сарын гүйцэтгэлээр 11 593.2 сая ам.долларт хүрч өнгөрсөн оны мөн үеийнхээс 7.1 хувиар буюу772.8 сая ам.доллараар өссөн байна. Экспорт импортоос давамгайлж экспорт, импортын зөрүү 1464.1 сая ам.доллараар эерэг гарсан байна.

Монгол улс 2019 оны эхний 10 сард дэлхийн 152 улстай худалдаа хийснээс 75 улсад бараагаа экспортлож,150 улсаас гарал үүсэлтэй барааг импортлосон байна.

ЭКСПОРТ

Экспорт 6528.7 сая ам.долларт хүрч өнгөрсөн оны мөн үеийн гүйцэтгэлээс 583.9 сая ам.доллараар буюу 9.8 хувиар өссөн байна.

Дэлгэрэнгүй: ГАДААД ХУДАЛДАА 2019 ОНЫ ЭХНИЙ 10 САРЫН ГҮЙЦЭТГЭЛ

ГААЛИЙН ХУУЛЬ ТОГТООМЖИЙН ЗӨРЧИЛТЭЙ ТЭМЦЭХ МОНГОЛ УЛСЫН ГААЛИЙН ЕРӨНХИЙ ГАЗАР, ОХУ-ЫН ХОЛБООНЫ ГААЛИЙН АЛБАНЫ АЖЛЫН ХЭСГИЙН ГУРАВДУГААР УУЛЗАЛТАД МОНГОЛ УЛСЫН ГААЛИЙН ЕРӨНХИЙ ГАЗРЫН ТӨЛӨӨЛӨГЧИД ОРОЛЦОВ

IMG 2901

Монгол-Оросын гаалийн байгууллагуудаас гаалийн хууль тогтоомжийн зөрчилтэй тэмцэх асуудлаар 2018-2019 онуудад хийсэн ажлын дүнг хэлэлцэж, цаашид энэ чиглэлээр хийх ажлын талаар харилцан санал солилцсон Монгол Улсын Гаалийн ерөнхий газар, ОХУ-ын Холбооны гаалийн албаны ажлын хэсгийн Гуравдугаар уулзалт 2019 оны 11 дүгээр сарын 5-8-ны өдрүүдэд ОХУ-ын Владивосток хотноо болов.

Дэлгэрэнгүй: ГААЛИЙН ХУУЛЬ ТОГТООМЖИЙН ЗӨРЧИЛТЭЙ ТЭМЦЭХ МОНГОЛ УЛСЫН ГААЛИЙН ЕРӨНХИЙ ГАЗАР, ОХУ-ЫН ХОЛБООНЫ...

ГААЛИЙН БАЙГУУЛЛАГА ҮҮСЧ ХӨГЖСӨНИЙ 107 ЖИЛИЙН ОЙН БАЯРЫГ ТОХИОЛДУУЛАН ЗАРИМ ГААЛИЙН АЖИЛТНУУДЫГ ШАГНАЛАА

74918020 750532462076063 3076400394549592064 n

Монгол улсад шинэ үеийн Гаалийн байгууллага үүсч хөгжсөний 107 жилийн ойн баярыг тохиолдуулан Гаалийн байгууллагад идэвх зүтгэлтэй, үнэнч шударга, үр бүтээлтэй ажилласан нэр бүхий гаалийн ажилтнуудыг шагнаж урамшуулах арга хэмжээ 2019 оны 10 дугаар сарын 18-ны өдөр Гаалийн ерөнхий газарт зохион байгуулагдлаа.

Шагналыг Гаалийн ерөнхий газрын дарга Б.Асралт болон Гаалийн байгууллагын удирлагууд гардуулж, цаашдын ажил үйлсэд нь улам өндөр амжилтыг хүссэн юм. Үүнд:

Дэлгэрэнгүй: ГААЛИЙН БАЙГУУЛЛАГА ҮҮСЧ ХӨГЖСӨНИЙ 107 ЖИЛИЙН ОЙН БАЯРЫГ ТОХИОЛДУУЛАН ЗАРИМ ГААЛИЙН АЖИЛТНУУДЫГ...

ГААЛИЙН БАЙГУУЛЛАГА АРХИВ, АЛБАН ХЭРЭГ ХӨТЛӨЛТ, ТӨРИЙН БАЙГУУЛЛАГЫН АЖЛЫН ЗОХИОН БАЙГУУЛАЛТЫН УЛСЫН ҮЗЛЭГЭЭР 95 ХУВЬ БУЮУ “А” ҮНЭЛГЭЭ АВЛАА

72562807 1104036559805247 4147196214581919744 n

     Монгол Улсын Засгийн газрын 2019 оны “Төрийн байгууллагын ажлын зохион байгуулалт, архив албан хэрэг хөтлөлтийн улсын үзлэг явуулах тухай” 150 дугаар тогтоол, Монгол Улсын Ерөнхий сайдын 2019 оны 46 дугаар захирамжийн хэрэгжилтийг хангах төв комисс нь Гаалийн ерөнхий газарт 2019 оны 09 дүгээр сарын 27-ны өдрөөс 10 дугаар сарын 02-ны өдрүүдэд ажиллаа.

Дэлгэрэнгүй: ГААЛИЙН БАЙГУУЛЛАГА АРХИВ, АЛБАН ХЭРЭГ ХӨТЛӨЛТ, ТӨРИЙН БАЙГУУЛЛАГЫН АЖЛЫН ЗОХИОН БАЙГУУЛАЛТЫН...

ОЛОН УЛСЫН АХМАДЫН ӨДРӨӨР АХМАД ГААЛЬЧДАА ХҮЛЭЭН АВЧ ХҮНДЭТГЭЛ ҮЗҮҮЛЛЭЭ

71378777 975900706080580 1891908324811603968 n

Олон улсын ахмадын баярын өдрийг тохиолдуулан Гаалийн ерөнхий газраас 2019 оны 10-р сарын 02-ны өдөр ахмадуудаа хүлээн авч, хүндэтгэл үзүүллээ. Уулзалтанд ГЕГ-аас өндөр насны тэтгэвэрт гарсан ахмадууд хүрэлцэн ирсэн юм. 

Дэлгэрэнгүй: ОЛОН УЛСЫН АХМАДЫН ӨДРӨӨР АХМАД ГААЛЬЧДАА ХҮЛЭЭН АВЧ ХҮНДЭТГЭЛ ҮЗҮҮЛЛЭЭ

МОНГОЛ УЛС, БНСУ-ЫН ГААЛИЙН БАЙГУУЛЛАГА ГАДААД ХУДАЛДААГ ХӨНГӨВЧЛӨХ, МЭДЭЭЛЛИЙН ТЕХНОЛОГИЙН ТОГТОЛЦООГ БЭХЖҮҮЛЭХ ЧИГЛЭЛЭЭР ХАМТРАН АЖИЛЛАХААР БОЛЛОО

 DSC0594

ГЕГ-ын дарга Б.Асралтын урилгаар БНСУ-ын Гаалийн албаны дарга Ким Ёонг Мүүн Улаанбаатар хотод айлчилж байна. Өнөөдөр (2019 оны 9 дүгээр сарын 30-ний өдөр) хоёр орны гаалийн байгууллагын дарга нарын 9 дүгээр уулзалт амжилттай боллоо.

Дэлгэрэнгүй: МОНГОЛ УЛС, БНСУ-ЫН ГААЛИЙН БАЙГУУЛЛАГА ГАДААД ХУДАЛДААГ ХӨНГӨВЧЛӨХ, МЭДЭЭЛЛИЙН ТЕХНОЛОГИЙН...

“ГААЛЬ-БИЗНЕСИЙН УУЛЗАЛТ 2019” БОЛЖ, БИЗНЕС ЭРХЛЭГЧДЭЭ СОНСЛОО

20190924 102421

Гаалийн ерөнхий газар, МҮХАҮТ болон (Европын холбооны худалдааг дэмжих) ТРАМ төсөл хамтран “Гааль-Бизнесийн уулзалт 2019”-ыг “Бизнес эрхлэгчдээ сонсъё” уриан дор 2019 оны 9 дүгээр сарын 24-ний өдөр амжилттай зохион байгууллаа. УулзалтадГаалийн харьяа газар хорооны төлөөлөл, Төрийн болон төрийн өмчит байгууллага, Гаалийн байгууллагатай холбоотой ажилладаг Төрийн бус байгууллага, Экспорт, импортын үйл ажиллагаа эрхэлдэг бизнес эрхлэгч аж ахуйн нэгжийн 50 гаруй төлөөлөл энэ арга хэмжээнд оролцсон юм.

Дэлгэрэнгүй: “ГААЛЬ-БИЗНЕСИЙН УУЛЗАЛТ 2019” БОЛЖ, БИЗНЕС ЭРХЛЭГЧДЭЭ СОНСЛОО