mn GB
Mobile menu

Шилдэг татвар төлөгч аж ахуйн нэгжүүдэд шагнал гардууллаа

196c4e shagnal 1 x974
Жил бүр уламжлал болон явагддаг “Татвар төлөгчдийн өдөр”-үүдийг энэ сарын 7-13-ны өдрүүдэд    “Татвар төлөгч танд баярлалаа” уриан дор Гааль, татварын алба  амжилттай  зохион байгууллаа.
Энэ үеэр “Шилдэг татвар төлөгч”-дийг шалгаруулахдаа гаалийн харилцаанд орсон байдал, тухайн Гааль,татварын албаны хэмжээнд татвар төлөлтөөрөө тэргүүлсэн, тайлангаа үнэн зөв алдаагүй гаргаж хуулийн хугацаандаа татвараа төлсөн, татварын өр төлбөрийн хэмжээ нь татвар төлөгчийн төсөвт оруулсан орлогын 5 хувиас хэтрэхгүй байх зэрэг шалгуурыг баримтлажээ. Уг шаардлагыг хангасан 100 аж ахуйн нэгж “Татвар төлөгчдийн өдөр”-өөр шагналаа гардан авсан аж.
 Дашрамд дурдахад, Гааль, татварын байгууллагын удирдлагууд  “Шилдэг татвар төлөгч” аж ахуйн нэгжээр шалгарсан  “Оюу Толгой” ХХК, “Эрдэнэт-Үйлдвэр”ХХК,“Монгол Улсын хөгжлийн банк” ХХК,“Цайртминерал” ХХК, “Мобиком корпораци” ХХК, “ХААН банк” ХХК, “Сод Монгол групп”, “Шангри Ла Улаанбаатар”, “Монгол Улсын хөгжлийн банк”, ”Таван богд” ХХК  байгууллагын  ажлын байранд хүрэлцэн очиж “Шилдэг татвар төлөгч” шагналыг нь гардуулсан байна.
0J8A0096
Шилдэг татвар төлөгч “Трансвест Монголиа” ХХК
0J8A0101
Шилдэг татвар төлөгч “Монгол Улсын хөгжлийн банк”
0J8A0020
Шилдэг татвар төлөгч "Шангри Ла Улаанбаатар"
 

МОНГОЛ-ОРОС-ХЯТАДЫН ГААЛИЙН БАЙГУУЛЛАГУУДЫН ГУРВАН ТАЛТ АЖЛЫН ХЭСГИЙН ХУРАЛДААН БОЛЛОО

3 talt

Тажикистан улсын нийслэл Душанбе хотод 2014 оны 9-р сард Монгол Улс, БНХАУ, ОХУ-ын ерөнхийлөгч нар уулзах үеэр Монгол Улсын Ерөнхийлөгч Ц.Элбэгдорж “Талын зам” санаачлага, ОХУ-ын Ерөнхийлөгч В.В.Путин “Евразийн эдийн засгийн холбоо” байгуулах санал, БНХАУ-ын дарга Си Зинь Пин “Нэг бүс-нэг зам” санаачлага тус тус дэвшүүлж, улмаар гурван улсын хамтын ажиллагааны эх суурийг тавих, цаашид хамтын ажиллагааг түлхүү хөгжүүлэх чиглэлээр харилцан санал солилцсон     юм.

Дэлгэрэнгүй: МОНГОЛ-ОРОС-ХЯТАДЫН ГААЛИЙН БАЙГУУЛЛАГУУДЫН ГУРВАН ТАЛТ АЖЛЫН ХЭСГИЙН ХУРАЛДААН БОЛЛОО

“Татварт иргэдийн оролцоо” сэдвээр сургалт боллоо

0J8A0073

Гааль, татварын байгууллагаас жил бүр уламжлал болгон зохион байгуулдаг   “Татвар төлөгчдийн өдрүүд” арга хэмжээг “Татвар төлөгч таньд баярлалаа” уриан дор энэ сарын 7-13-ны өдрүүдэд тэмдэглэж байна. Уг арга хэмжээний хүрээнд  өнөөдөр ГТЕГ-ын удирдлагууд ерөнхий боловсролын сургуулийн сурагчид, их дээд сургууль, коллежийн оюутнуудад хичээл заалаа.

  Тухайлбал, МУИС-ын оюутнуудад  ГТЕГ-ын дарга С.Пүрэв “Татварт иргэдийн оролцоо” сэдвээр хичээл заасан бол  Эрсдэлийн удирдлагын газрын дарга Д.Хүрэлчулуун  АШУИС-ийн оюутнуудад, Стратеги хөгжлийн газрын дарга Б.Бадрал ХУИС, Орлогын газрын дарга Д.Цогтжаргал СЭЗДС, Татварын хяналт, шалгалтын арга зүйн газрын дарга С.Баясгалан Боловсролын их сургуулийн оюутнуудад тус тус хичээл зааж сонирхсон сэдвээр харилцан ярилцав.
0J8A0045
0J8A0046
0J8A0001
0J8A0025
0J8A0030
 

Шилдэг татвар төлөгч аж ахуйн нэгж, иргэдээ шагналаа

13147607 1013043222117079 3574269918179642098 o

Гааль, татварын байгууллагаас жил бүр уламжлал болгон зохион байгуулдаг  “Татвар төлөгчдийн өдрүүд” арга хэмжээ 05-р сарын 7-13-ны өдрүүдэд зохион байгуулагдаж байна. Уг арга хэмжээний нээлт энэ сарын 7-ны өдөр Үндэсний цэцэрлэгт хүрээлэнд болж өндөрлөлөө. Өдөрлөгийн үеэр гааль, татварын албанаас иргэд, аж ахуйн нэгжид зөвлөгөө өгч, нийслэлийн шилдэг татвар төлөгчдийг шагнан урамшуулсан юм. Мөн шилдэг татвар төлөгч аж ахуйн нэгжүүдийг олон нийтэд сурталчлан алдаршуулж тэдэнд хүндэтгэл үзүүлэн хамтлаг, дуучид мэндчилгээ дэвшүүллээ. Түүнчлэн гар зураг, зохион бичлэгийн уралдаанд ирүүлсэн хүүхдүүдийн бүтээлүүдийн үзэсгэлэн, үндэсний үйлдвэрлэгч аж ахуйн нэгжүүдийн бүтээгдэхүүн үзэсгэлэн худалдаа, сагсан бөмбөг, хөл бөмбөг, дугуй, софт теннис, шатар даам, бүх нийтийн гүйлт зэрэг тэмцээн уралдааныг зохион байгууллаа.

13198443 1013041598783908 7405582138172365808 o

13130869 1013040742117327 8214736350450559115 o

 

 

songino

mass

dog

13173189 1013043692117032 4213460055249434133 o

shatar

13147281 1013044108783657 3280867363792402268 o

erelch

13116340 1012323435522391 3651890433195860050 o

0J8A0117

13112852 1012333575521377 6450692165264493126 o

advise

 13087272 1013045438783524 4664202348429787208 o

0J8A0156

13161934 1013044885450246 2521257533496310151 o 1

13151611 1013043635450371 9015541563810435861 n

 

МЭНДЧИЛГЭЭ

13147574 1013049268783141 6342952178850346424 o

Монгол төрийн санг бүрдүүлэгч Татвар төлөгч та бүхэндээ энэ өдрийн амгаланг айлтгая.

   Жил бүр уламжлал болон явагддаг “Татвар төлөгчдийн өдөр”-үүд “Татвар төлөгч танд баярлалаа” уриан дор эхэлж байгааг мэдэгдэхэд таатай байна.
   Энэ жилийн өдрүүд нь хэд хэдэн чухал үйл явдлаар онцлог болж байна. Тухайлбал, Монгол Улсын Гааль, татварын байгууллага 2016 оноос төрийн бодлогоор эдийн засаг санхүүгийн систем, бүртгэл тооцоондоо цоо шинэ өөрчлөлт, томоохон шинэчлэлийг эхлүүллээ. Энэ ажлын хүрээнд  татварын тогтолцоог шинэчилж боловсронгуй болгох, Монгол Улсын нутаг дэвсгэр дээрх бүх ажил, үйлчилгээ, хөрөнгийг бүртгэлжүүлэн татвар төлөгчид татвараа үнэн зөв, шударга, бодитой ногдуулж төлөх нөхцөлийг бий болгож байна.
   Түүнчлэн энэхүү бүртгэлийн тогтолцоог нэвтрүүлэхийн өмнө Засгийн газар “Эдийн засгийн ил тод байдлыг дэмжих тухай” болон “Өршөөлийн тухай” хуулийг батлуулан хэрэгжүүлсэн нь төр бизнес эрхлэгч аж ахуйн нэгж, иргэддээ таатай боломж олгосон явдал байв. Энэ нь орлогоо албан ёсны тайландаа тусгаж санхүү, татварын тайлангаа зөв гараанаас эхлүүлж, ил тод, шударга бизнес эрхлэх боломжоор аж ахуйн нэгж, иргэдийг хангав.
  Мөн Гааль, татварын алба нь өөрийн бүтэц, зохион байгуулалт, үйл ажиллагааны стратегийн чиглэлээ шинэчилж бизнес эрхлэх орчныг дэмжиж иргэдийн оролцоог урамшуулан, татвар төлөгчдийн дэмжлэгтэйгээр сорилт, бэрхшээл бүхнийг даван туулж хичээн ажиллаж байна.   
   “Төр оршихуй дор татвар буй, татвар оршихуй дор төр оршимой” гэдэг нь санамсаргүй үг биш юм. Татвар төр хоёр салшгүй холбоотой бөгөөд төр үүссэн тэр цагаас татвар хамт бий болсон түүхтэй. Төр нь ард түмэнд хадгалагдаж буй эрх мэдлийг өөртөө шингээж эргээд ард түмэндээ үйлчлэх үндсэн үүрэгтэй. Энэ ч утгаараа гааль, татварын алба татвар төлөгч бүртэй хамтран ажилласны үр дүнд Монгол төрийн сан хөмрөгийг арвижуулах эрхэм үүргээ нэр төртэй биелүүлж улс орныхоо эдийн засагт хувь нэмрээ оруулж байна. 
   Гааль, татварын алба цаашид шинэ дэвшилтэд технологид суурилсан дэлхийн жишигт нийцсэн, татварын орчинг шинэ түвшинд гаргахад татвар төлөгч, мянга мянга иргэн, аж ахуйн нэгжүүд та бүхний дэмжлэг оролцоо чухал юм.
   Татвар төлөгч та бүхэнд Гааль, татварын байгууллагын нийт хамт олноос ажлын амжилт, эрүүл энх, сайн сайхныг хүсэн ерөөе.
                                          Гааль, татварын ерөнхий газрын дарга С.Пүрэв

Олон нийтийн гүйлт

15

“Татвар төлөгчдийн өдрүүд” арга хэмжээ эхэллээ

1. Logo
Гааль, татварын байгууллагаас жил бүр уламжлал болгон зохион байгуулдаг  “Татвар төлөгчдийн өдрүүд” арга хэмжээ 05-р сарын 7-13-ны өдрүүдэд болно.
Уг арга хэмжээний хүрээнд шилдэг татвар төлөгч аж ахуйн нэгж, хувь хүнийг шалгаруулан алдаршуулах, ерөнхий боловсролын сургуулийн сурагчид, их дээд сургууль, коллежийн оюутан, татвар төлөгчдийн дунд тэмцээн уралдаан, сургалт зохион байгуулж, хууль тогтоомжийг сурталчлан таниулах зорилготой юм. Уг арга хэмжээний нээлт 05-р сарын 7-ны өдөр Үндэсний цэцэрлэгт хүрээлэнд 11.00 цагаас болно. 
Тус өдөрлөгийн үеэр гааль, татварын албанаас зөвлөгөө өгөх, нийслэлийн шилдэг татвар төлөгчдийг шагнан урамшуулах, шилдэг татвар төлөгч аж ахуйн нэгжүүдийг олон нийтэд сурталчлан алдаршуулах, тэдэнд хүндэтгэл үзүүлэн хамтлаг, дуучид мэндчилгээ дэвшүүлэх зэрэг арга хэмжээг зохион байгуулна. Түүнчлэн гар зураг, зохион бичлэгийн уралдаанд ирүүлсэн хүүхдүүдийн бүтээлүүдийн үзэсгэлэн, үндэсний үйлдвэрлэгч аж ахуйн нэгжүүдийн бүтээгдэхүүн үзэсгэлэн худалдаа, сагсан бөмбөг, хөл бөмбөг, дугуй, софт теннис, шатар даам, бүх нийтийн гүйлт зэрэг тэмцээн уралдаан болох юм. 
Тавдугаар сарын 9-13 өдрүүдэд болох үйл явдал
Даваа гариг буюу 05.09-ны “Сургалтын өдөр”-өөр:
1.Татвар төлөгч аж ахуйн нэгж, хувь хүнд аймаг, нийслэл, дүүргүүдийн гааль, татварын албадын байранд болон татвар төлөгчдийн ажлын байранд нь сургалт явуулах
2.Их дээд сургууль, коллеж, ерөнхий боловсролын сургуулийн сурагчдад “Татварын онол арга зүй, мөн чанар” сэдвээр1 цагийн хичээлийг заана.
3.Гааль татварын албаны вэб сайт, you tube-ээр цуврал хичээл байршуулан олон нийтэд түгээнэ.
Мягмар гариг буюу 05.10-ны “Тэмцээн уралдааны өдөр”. Энэ үеэр их дээд сургууль, коллежийн оюутан, ерөнхий боловсролын сургуулийн сурагч, шилдэг татвар төлөгчдийн дунд тэмцээн уралдааныг зохион байгуулна. Тухайлбал: Их дээд сургуулийн оюутнуудын дунд ГТЕГ, Татварын мэргэшсэн зөвлөхийн нийгэмлэгтэй хамтран “Татварын хуулийг хэн сайн мэдэх вэ?” тэмцээн, Чингэлтэй дүүргийн татварын хэлтсээс ерөнхий боловсролын сургуулийн сурагчдын дунд “Алтан хонх” танин мэдэхүйн уралдаант тэмцээн, Сүхбаатар дүүргийн татварын хэлтсээс шилдэг татвар төлөгчдийн дунд Боулингийн нөхөрсөг тэмцээн зэргийг зохион байгуулна.
Лхагва гариг буюу 05.11-ны “Татвар төлөгчөө сонсъё өдөр”-өөр Гааль, татварын албадын бүх нэгжийн дарга нартай иргэд цаг авалгүйгээр санал бодлоо солилцох, хороодын иргэдийн танхимд иргэдийн дэвшүүлсэн санал хүсэлт, асуултыг нэг бүрчлэн тэмдэглэн авч тухай бүр шийдвэрлэнэ. Нийслэл, аймаг, дүүргүүдийн Засаг дарга нар болон Төрийн сангийн газар хэлтсүүдээр төсвийн зарцуулалтын талаар татвар төлөгчдөд тайлагнах уулзалт болно.
Пүрэв гариг буюу 05.12-ны “Зөвлөгөө өгөх өдөр”-өөр хүн амын төвлөрөл ихтэй худалдаа, үйлчилгээний төвүүдэд гол нэр төрлийн гааль, татварын хувь хэмжээ, тайлагнах хугацаа, цахим тайлан ирүүлэх, e-barimt бүртгүүлэх зэрэг гааль татварын хууль тогтоомжийг иргэдэд энгийн ойлгомтой хүргэн зөвлөгөө өгнө.
Баасан гариг буюу 05.13-ны “Талархлын өдөр”-өөрШилдэг татвар төлөгч аж ахуйн нэгж байгууллагадаа хүндэтгэл үзүүлэн албадын дарга нар Гааль, татварын албаны дээд шагналыг гардуулна. 
Бусад үйл ажиллагааг гаалийн газар хороо, аймаг, нийсэл, дүүргийн хэлтсүүд өөрсдийн онцлогт тохируулан зохион байгуулна.
 

Далд эдийн засаггүй эх орныг дараа үеийнхэндээ хүлээлгэн өгье

0J8A0083   

    Татварын хоёр дахь шатны шинэчлэлийн хүрээнд Нэмэгдсэн өртгийн албан татварын тухай хуулийг УИХ шинэчлэн баталсан. Ингэснээр олон нийтийн дунд хүлээлт үүсгээд байсан НӨАТ-ын тухай хууль энэ оноос хэрэгжиж эхлээд байна. Эдийн засгийн харилцааг ил тод болгох, далд эдийн засгийг бууруулах нь шинэчлэн баталсан НӨАТ-ын хуулийн үндсэн зорилго гэж томъёолж байгаа. Энэ хуулийн үр дүнд эдийн засаг эрүүлжиж, санхүү, бүртгэлийн систем сайжрах, улмаар шинэ түвшинд гарах учиртай. Манай улсын хувьд хөгжлийг чөдөрлөх болсон далд эдийн засаг гэгч оршин тогтнох орон зай хумигдах юм.

   Тодруулбал, дунд болон урт хугацаанд эдийн засаг тогтвортой хөгжих боломж, бололцоог НӨАТ-ын шинэ зохицуулалт олгох давуу талтай аж. НӨАТ-ын тухай хууль хэрэгжээд бараг л дөрвөн сар болох гэж байна. Энэ хугацаанд хуулийн хэрэгжилттэй холбоотой цөөнгүй асуудал шинээр гарч ирсэн. Үүнд нийтээрээ дасан зохицож, хуулийн хэрэгжилт урагшилж байна. Хууль хэрэгжүүлэх шинэ механизм нь баримт хэвлэх кассын машин болоод байгаа юм. Талархал зэрэгцээд шүүмжлэлд өртөөд буй уг ухаалаг кассын машиныг өнөөдрийн байдлаар 40 орчим аж ахуйн нэгж өргөн сонголттойгоор дотоодын аж ахуйн нэгжүүдэд нийлүүлж байгаа юм байна. Тэгэхээр зах зээлд хүрэлцээтэй аж. Үнийн хувьд кассын машин бүр харилцан адилгүй.

    Кассын машиныг худалдаа, эрхлэгчид хамгийн багадаа 40 мянган төгрөгөөр худалдан авах боломжтой аж. Үүнтэй холбогдуулж Гааль, татварын ерөнхий газар өөрийн удирдах газрын байранд энэ чиглэлээр нэг цэгийн үйлчилгээ гаргаж, мэдээлэл, сургалт зөвлөгөөг өгч байсныг хамаатны ах хэлж байсан. Мөн ухаалаг гар утастай байхад www.ebarimt.mn цахим хуудсыг ашиглан баримт өгөх боломжтой юм. Энэ нь цаас, цаг хугацаа хэмнэх давуу талтайгаас гадна байгаль орчинд ээлтэй шийдэл. Үүнийг зарим аж ахуйн нэгж, үйлчилгээний байгууллага нэвтрүүлж эхэлсэн байна. Тухайлбал, Улаанбаатарчуудын зорин очих дуртай “Хүннү” их дэлгүүрийн зарим байгууллага энэ төрлийн үйлчилгээг хэдийнэ нутагшуулжээ. Тэгэхээр заавал 1-2 сая төгрөгийн төхөөрөмж худалдан авах шаардлагагүй юм байна.  Маш хямд зардлаар асуудлыг шийдэж болох нь.

    Тухайн худалдаа, үйлчилгээ үзүүлж буй аж ахуйн нэгж өөрсдийн боломж, бололцоондоо түшиглэж кассын машиныг өөрсдөө сонгон авч байгаа. Энэ нь иргэдийн худалдан авалтад дарамт учруулах төдийгүй бараа, бүтээгдэхүүний үнэд сөрөг нөлөө үзүүлэхгүй гэж Шударга, өрсөлдөөн хэрэглэгчийн төлөө газраас мэдэгдэж байна. Хэрэв кассын машинтай холбогдуулж үнээ нэмсэн байвал хууль зөрчсөн үйлдэлд тооцогдох аж. Таны эргэн тойронд буй худалдаа, үйлчилгээний байгууллага үнэ нэмсэн бол ямар шалтгааны улмаас гэдгийг нь заавал тодруулах эрх танд бий.

 Олон нийтийн дунд зарим аж ахуйн нэгж, хувь хүн өндөр үнэтэй кассын машин худалдан авч суурилуулж байгаагаас шалтгаалж бараа, бүтээгдэхүүний үнэ өсөж байна гэсэн ташаа мэдээлэл гарах болсон. Энэ нь дээрх мэдээллээр үгүйсгэгдэж байна. Тэгэхээр тухайн аж ахуйн нэгж, хувь хүн өөрсдөө санхүүгийн боломж, эрхэлж байгаа бизнесийн борлуулалтын орлоготой уялдуулж кассын машиныг сонгох боломжтой аж. Үүнийг зарим улстөрч бараа, бүтээгдэхүүн шахаж, тулгаж байгаа үзэгдэл мэтээр олон нийтэд тайлбарлаж, улстөржүүлж байгаа тал байгааг үгүйсгэхгүй. Ийм төөрөгдөл газар авах тусмаа далд эдийн засгаас татгалзах хуулийн зорилтыг унагах эрсдэлтэй. Хэдий ийм боловч дийлэнх аж ахуйн нэгжүүд үндсэндээ хуулийн хэрэгжилттэй холбоотой бэлтгэл ажлаа хангаж, жигдрэх шатанд шилжиж байна.

    “Лидер Финанс” татварын мэргэшсэн зөвлөх компанийн захирал Ү.Галмандах “Татварын дүрэм, систем, түүний зохицуулалт үндсэндээ өөрчлөгдөж байна. Шинэчлэлийн үр дүнд татварын өнөөгийн тогтолцоо илүү олон улсын түвшинд ойртох томоохон алхам үүгээр хийгдэж байгаа юм. Үүнийг иргэд НӨАТ-ын тухай хууль шинээр хэрэгжиж эхэлснээр мэдэрч, ач тусыг нь одооноос ойлгож байна. Цахим байдлаар бүртгэх болсон нь шинэлэг ажил. Гол өөрчлөлт нь иргэдэд жилийн эцэст нийт худалдан авалтынхаа 20 хүртэлх хувийг буцаан авах байдлаар илэрнэ. Энэ үед хуулийн ашиг тус тод мэдрэгдэх байх. Далд эдийн засгийн хэмжээ хуулийн үр дүнд цаашдаа улам буурна” хэмээн онцолсон юм.

    Татвар төлөгч иргэн, аж ахуйн нэгжид боломж олгосон НӨАТ-ын тухай хууль зарим жижиг аж ахуйн  нэгжийн борлуулалтад тодорхой хувиар эерэг байдлаар нөлөөлж эхэлжээ. Иргэд худалдан авалт хийхээсээ өмнө баримт баримт хэвлэж байгаа, эсэхийг нь лавладаг болсныг Чингэлтэй дүүргийн 17-дугаар хороонд найман нэрийн дэлгүүр ажиллуулж буй Д.Оюунжаргал хэллээ. Тэрбээр 70 орчим мянган төгрөгөөр кассын машин худалдан авсан нь дэлгүүрийнхээ үйлчлүүлэгчдийн тоог нэмэгдүүлэх алхам болсон байна. Тэдний ойролцоо үйл ажиллагаа явуулж буй зарим дэлгүүрүүдийн орлого эрс багасаж эхэлсэн тул түүнээс кассын машины талаар зарим нь туршлага судалж, дэлгүүртээ авч суурилуулжээ.

 

Б.Тулгат

Цагдаагийн байгууллагатай хамтран ажиллах санамж бичигт гарын үсэг зурлаа

IMG 0631

      Гааль, татварын ерөнхий газрын дарга С.Пүрэв Цагдаагийн ерөнхий газрын дарга, тэргүүн комиссар Р.Чингис нар Гааль, татварын ерөнхий газрын байранд дөрөвдүгээр сарын19-ний өдөр   хоёр байгууллагын хамтран ажиллах санамж бичигт гарын үсэг зурлаа. Уг санамж бичгийн хүрээнд Гааль, татварын алба  Иргэн, хуулийн этгээдээс болон гааль, татварын лавлах утас /1800-1281,1800-1288/-нд ирсэн гэмт хэргийн шинжтэй гомдол, мэдээллийг цагдаагийн байгууллагад хүргүүлэх юм. 

     Мөн гааль, татварын хяналт шалгалтын явцад илрүүлсэн гааль, татварын гэмт хэргийн талаарх мэдээлэл, холбогдох материал акт, дүгнэлтийг Эрүүгийн байцаан шийтгэх хуульд заасан харьяаллын дагуу нэн даруй цагдаагийн байгууллагад шилжүүлэх, цагдаагийн эрх бүхий албан тушаалтны шинжээч томилсон тогтоолын дагуу шинжээчийн дүгнэлтийг тогтоосон хугацаанд хүргүүлэх зэргээр хамтран ажиллах юм. 
     Түүнчлэн Татвар төлөхөөс зайлсхийх, улсын хилээр бараа, тээврийн хэрэгсэл, ашигт малтмал хууль бусаар нэвтрүүлэх гэмт хэрэгт явуулж буй хэрэг бүртгэх, мөрдөн байцаах ажиллагаанд цагдаагийн байгууллагад мэргэжлийн дэмжлэг, үзүүлэх, Цагдаагийн байгууллагад шалгагдаж байгаа татвар төлөхөөс зайлсхийх гэмт хэргийг түргэн шуурхай бүрэн илрүүлж шийдвэрлэх зорилгоор шаардлагатай арга хэмжээг хамтран зохион байгуулна.
    Харин Цагдаагийн байгууллага дараах асуудлаар хамтран ажиллана. Үүнд Татварын хууль тогтоомж зөрчсөн гэх үндэслэл сэжиг байгаа тохиолдолд татвар төлөгчийн татвар төлөлтийн байдалд хяналт шалгалт хийлгэх асуудлыг нийслэлд ГТЕГ-ын даргад, орон нутагт тухайн орон нутгийн гааль, татварын албаны даргад хүсэлт тавьж шийдвэрлүүлнэ. 
     Гааль, татварын байгууллагад бүртгэгдсэн улсын бүртгэлийн болон татвар төлөгчийн хаяг байршилдаа байхгүй, оршин суугаа хаяг нь тодорхойгүй эсхүл гаалийн зөрчилд холбогдсон болон татвар төлөхөөс зайлсхийж оргон зайлсан иргэн, хуулийн этгээдийг шүүхийн даалгаснаар  эрэн сурвалжилна.
    Түүнчлэн Монгол Улсын иргэн, гадаадын иргэн, харьяалалгүй хүнийг татвар төлөгчөөр бүртгэх, түүний хаягийг тодруулахтай холбогдсон Цагдаагийн байгууллагад байгаа мэдээ, мэдээлэл, судалгааг, татвар төлөгч хувь хүн, хуулийн этгээдийн ял шийтгэлийн байдлын лавлагааг гаргаж өгөх гэх мэтчлэн мэргэжлийн байгууллагаас шаардагдах асуудлын хүрээнд  хамтран ажиллах юм.
    Дашрамд дурдахад, Цагдаагийн байгууллага 2008 оноос хойш Гааль, татварын байгууллагатай хамтран ажиллаж байгаа юм. Гаалийн байгууллагатай 2008 онд, Татварын байгууллагатай 2015 онд хамтын ажиллагааны санамж бичигт гарын үсэг зурж байжээ. Харин энэ удаад хамтын ажиллагааны хүрээнд мөрдөгдөх дүрэм, журмуудаа шинэчлэн боловсруулснаар шинээр хамтын ажиллагааны санамж бичиг байгууллаа.
IMG 0637
IMG 0633
 
IMG 0641

Гааль, татварын байгууллагын албан хаагчид спортоор өрсөлдлөө

0J8A0265

Гааль, татварын  байгууллагын ажилтнуудын аварга шалгаруулах  “Гааль, татварын цом-2016”  анхдугаар тэмцээн  энэ сарын 13-17-ны өдрүүдэд Буянт-Ухаа цогцолборт амжилттай болж өндөрлөлөө. Уг спортын арга хэмжээ нь сагсан бөмбөг, гар бөмбөг, теннис, шатар, билльяард гэсэн 5 төрлөөр явагдсан  бөгөөд энэ жил Гааль, татварын байгууллагын анхдугаар наадам болж буйгаараа онцлог юм.

   “Гааль, татварын цом-2016” төлөөх тэмцээнд ГТЕГ, Сургалт судалгааны төв, УБ гаалийн газар, НТГ, УТОХГ, Буянт-Ухаа дахь Гаалийн газар, Сэлэнгэ, Орхон, Дархан ГТ, Замын-Үүд дахь Гаалийн газар, БГД, БЗД, СБД, СХД, ЧД, ХУД, Багануур, Налайх, Төвийн бүс, Зүүн бүс, Говийн бүс, Баруун бүсийн  тамирчид  авхаалж самбаагаа уралдуулан оролцлоо.
   “Гааль, татварын цом-2016”  тэмцээнд 13 багийн тамирчид хурд хүч авхаалж самбаагаа сорин өрсөлдсөнөөс  5 төрөлд нийт дүнгээр Баянгол, Баянзүрх дүүргийн Татварын хэлтсийн ажилтнууд 18 оноогоор 1-р байр, ГТЕГ, Сургалт судалгааны төвийнхөн 28 оноогоор 2-р байр, Сүхбаатар, Сонгинохайрхан дүүргийн Татварын хэлтсийнхэн  32 оноогоор тус тус  3-р байр эзэллээ. 
   Спортын тэмцээнд  амжилттай оролцсон нийт Гааль, татварын албан хаагчиддаа ажлын  амжилт хүсч , сайн сайхан бүхнийг  хүсэн ерөөе.
0J8A0235
0J8A0484
0J8A0422
0J8A0252
0J8A0472
0J8A0384
0J8A0518
 
0J8A0487
0J8A0498
0J8A0323
 
 
 
 
 

Зохион бичлэгийн уралдааны болзлыг танилцуулж байна

inkpenhand1

       Гааль, татварын ерөнхий газраас “Монголын татвар төлөгчдийн өдрүүд”-ийг угтаж орон даяар “Татвар төлөгч танд баярлалаа” сэдэвт зохион бичлэгийн уралдааныг  2016 оны 4 сарын 14-ний өдрөөс 4 сарын 27-ны өдрийг дуустал хугацаанд ерөнхий боловсролын сургуулийн сурагчдын дунд зарлаж байна. Уралдаан нь   ирээдүйн  татвар төлөгчдийн татварын  боловсролыг дээшлүүлж, зохиомжит сэтгэлгээг хөгжүүлэх зорилготой. 

       Уралдаанд ирүүлэх бүтээл нь татварын мөн чанар, ач холбогдол,  улс орны хөгжилд гүйцэтгэх үүрэг, гааль, татварын үйлчилгээий давуу талыг   илэрхийлсэн байхаас гадна  татвараа зөв, шударгаар төлөгч аж ахуйн нэгж, иргэдийг дэмжсэн,  татвараар бий болсон баялагийг сурталчилсан агуулгатай байна. 

Зохион бичлэгийг тухайн аймаг, дүүргийн татварын газар, хэлтэс, гаалийн газар, хороод  хүлээн авч шалгаруулан, шилдэг 3 бүтээлийг файлаар болон эх хувилбарын хамт 4   сарын 29-ний дотор Гааль, татварын ерөнхий газрын Татвар төлөгчдөд дэмжлэг үзүүлэх газарт болон   This email address is being protected from spambots. You need JavaScript enabled to view it. цахим хаягаар ирүүлнэ. ГТЕГ эцсийн шалгаруулалтыг 5-р сарын 02-ны дотор хийнэ. 

Бичлэгийн хэмжээ:   А4 хэмжээтэй, 3-аас илүүгүй хуудсанд  багтааж, Монгол хэлний зөв бичгийн дүрмийг баримталж бичсэн байна. 

            Шалгаруулалт:  Уралдаанд ирсэн бүтээлийг шалгаруулж, дараах байр эзлүүлнэ.     

                      1-р байр .Өргөмжлөл, мөнгөн шагнал  /200 000 төг/ 

                      2-р байр. Өргөмжлөл, мөнгөн шагнал  /150 000 төг/

                      3-р байр. Өргөмжлөл, мөнгөн шагнал  /100 000 төг/ 

          Тусгайбайр: Тав. Өргөмжлөл, мөнгөн шагнал  /50 000 төг/ 

                                                        Гааль, татварын ерөнхий газар

                                                     Харилцахутас – 310750, 1800-1288

Б.Лхагважав: НӨАТ-ыг бүртгэлийн систем гэхээс илүүтэй төсөвт оруулдаг орлогын эх үүсвэр гэж ойлгож ирсэн нь хамгийн том гажуудал

Lhagvajav

Хэрэгжиж эхлээд гурван сарын хугацаа өнгөрч байгаа  Нэмэгдсэн өртгийн албан татварын тухай хуулийн  эргэн тойрон дахь асуудлаар МҮХАҮТ-ийн ерөнхийлөгч Б.Лхагважавтай ярилцлаа. 
-Нэмэгдсэн өртгийн албан татварын тухай хууль хэрэгжээд  гурван сарын хугацаа өнгөрлөө.  Хууль батлагдаад хэрэгжүүлэхэд шаардлагатай бэлтгэл ажлыг нэлээд хангасан ч эерэг сөрөг хандлагууд их гарч байна. Татварын шинэчлэл  хийх  зайлшгүй шаардлагатай юмаа гэж дуугарч байсны хувьд та юу хэлэх вэ? 
-Нэмэгдсэн өртгийн албан татварын тухай хууль өнгөрсөн 2015 оны долдугаар сарын 9-ний өдөр батлагдсан.  Энэ оны эхний өдрөөс хэрэгжиж эхэлсэн. Үндсэндээ хууль амьдрал дээр хэрэгжиж эхлээд гурван сарын хугацаа өнгөрч байна. Цоо шинэ хууль биш. 1997 онд Монгол Улс энэ хуулийг  баталж, хэрэгжүүлсэн. Өнгөрсөн 17 жилийн хугацаанд  Нэмэгдсэн өртгийн орлогын албан татварын тухай хууль үндсэн филисофиороо яваагүй.  Уг нь анхнаасаа ажил үйлчилгээ, хөрөнгийн системийн хөдөлгөөнийг бүртгэдэг хууль байхгүй юу. Нөгөө талаас аж ахуй нэгж, иргэнд үйлчилнэ. Иргэний төлсөн төлбөрөөс орох ёстой татвар яг төрд очиж байгаа эсэхийг хүн төрөлхтөн хайгаад олохгүй  байсан. Ингээд  1928 онд Герман улс, 1957 онд Франц улс татварын жинхэнэ филисофийг нээж,  амьдралд хэрэгжүүлсэн байдаг.  Өөрөөр хэлбэл хэрэглэгч, компани, төр гурвыг яаж холбох вэ гэдгийг олсон гэсэн үг. Хамгийн их луйвар явагддаг, нууц, хуурамч тайлан гаргадаг, татвараас зугтдаг хэсэг  компани, төр хоёрын хооронд явагддаг. Эндээс  компани, төр хоёрыг яаж иргэнтэй холбох вэ гэдэг асуулт гарч ирнэ. НӨАТ-ын хууль бол  үүнийг  л  тодорхойлсон хууль.  Бүр энгийнээр хэлбэл иргэн  хоёр хувийн  буцаан авалт авах замаар  компанийн орлогын мэдээллийг төрд  мэдээлэх мэдээлэгч болж байна гэсэн  үг. Энэ систем рүү 17 жилийн дараа орж   байна. Харин 1997 онд НӨАТ-ын тухай хуулийг батлахдаа энэ агуулгыг олж хараагүй. Өмнө нь таван жил хэрэглэсэн  Худалдааны татварын нэрийг л сольсон. 2006 онд хуульдаа шинэчлэл хийхдээ бас л дээрх гаргалгааг олж хараагүй, зөвхөн хувь процейнт өөрчилсөн. Би 2005 оноос хойш НӨАТ-ын тухай хуулийн филисофийг өөрчлөх  ёстой гэдгийг  ярьж явсан. НӨАТ-ыг бүртгэлийн систем гэхээс илүүтэй төсөвт оруулдаг  орлогын эх үүсвэр гэж ойлгож ирсэн нь хамгийн том гажуудал. Анхнаасаа гүн ухааныг нь, филисофийг нь ойлгоогүй хууль заазуур болдог.  Өмнө нь байсан 10 саяын босго монголын компаниудыг дандаа жижиг байлгасан,  бутаргасан.  Нийт компаниудын 70-80 хувь нь 10 саяын босгыг давдаггүй байлаа. Энэ нь Монголын компаниуд төвлөрөх, харилцаагаа сайжруулах, томрох бололцоог хааж байсан.  Энэ байдлаас гарах гарц нь одоо хэрэгжиж байгаа шинэчилсэн хууль. 

Дэлгэрэнгүй: Б.Лхагважав: НӨАТ-ыг бүртгэлийн систем гэхээс илүүтэй төсөвт оруулдаг орлогын эх үүсвэр гэж...