mn GB
Mobile menu

ГААЛИЙН БАЙГУУЛЛАГААС "ОЮУТОЛГОЙ" ХХК-Д ТОГТООСОН АКТЫГ ДЭЭД ШҮҮХ ҮНДЭСЛЭЛТЭЙ ГЭЖ ҮЗЭВ

logo blue           Гаалийн байгууллагаас “Оюутолгой” ХХК-д хийсэн бүрдүүлэлтийн дараах шалгалтын үр дүн болон тус компанид тавьсан Гаалийн улсын байцаагчийн 2016 оны 12-р сарын 23-ны өдрийн 25/16 тоот актыг Оюутолгой ХХК үл зөвшөөрч 2017 оны 2-р сард Нийслэл дэх захиргааны хэргийн шүүхэд нэхэмжлэл гаргасан юм.

                   Нийслэл дэх захиргааны хэргийн болон давах шатны шүүхээс Гаалийн байгууллагаас шалгаж хууль зүйн бүрэн үндэслэлтэй гэж дүгнэсэн байна. Тус захиргааны хэрэг нь 2018 оны 1-р сард Монгол Улсын Дээд Шүүхээр хянагдаж, тус шүүхээс давж заалдах шатны шүүхийн шийдвэрийг хэвээр үлдээхээр эцэслэн шийдвэрлэсэн байна.
Ингэснээр “Оюутолгой” ХХК 2013-2015 онд БНХАУ-аас худалдан авсан цахилгаан эрчим хүчний гаалийн үнэд нэмэгдэж тооцогдох нийт 13.2 тэрбум төгрөгийн зардалд нийт 861.5 сая төгрөгийн нөхөн татвар, торгуулийг улсын төсөвт төлөх, цаашид мөн цахилгаан эрчим хүч худалдан авахтай холбоотой зардалд тус компани жил бүр 1-1.5 орчим тэрбум төгрөгийг улсын төсөвт нэмж төлөхөөр болж байгаа юм.

Эх сурвалж: ГЕГ