mn GB
Mobile menu

ДГБ-ЫН УДИРДЛАГЫН МАНЛАЙЛАЛ ХӨГЖЛИЙН ХӨТӨЛБӨР” ҮНДЭСНИЙ СУРГАЛТЫГ ЗОХИОН БАЙГУУЛЖ БАЙНА

IMG 0121Монголын гаалийн байгууллага ДГБ-ын “Удирдлагын манлайлал, хөгжлийн хөтөлбөр” хэмээх нэр хүндтэй сургалтыг үндэсний хэмжээнд зохион байгуулах хүсэлтийг ДГБ-ын Нарийн бичгийн дарга нарын газарт илэрхийлсний дагуу 2018 оны 10 дугаар сарын 29-ний өдрөөс 11 дүгээр сарын 9-ний өдрүүдэд Улаанбаатар хотодзохион байгуулж байна.

СургалтыгДГБ-ын “Удирдлагын манлайлал хөгжлийн хөтөлбөр”-ийг үндэслэгч Нарийн бичгийн дарга нарын газрын техникийн ажилтан Ноён Роб Жансон, ДГБ-ын эксперт Ноён Хишам, Абоу-Ибрахим нар удирдан явуулж байгаа бөгөөдМонголын гаалийн байгууллагаас Баян-Өлгий, Замын-Үүд, Гашуунсухайт, Шивээхүрэн, Орхон, Сэлэнгэ, УХШИГГ, БУГГ, УБГГ болон гаалийн удирдах төв байгууллагын 22 ажилтнууд хамрагдаж байгаа юм.

Энэ жил ДГБ-ын гишүүн орны гаалийн байгууллага “Ухаалаг Гааль” үзэл баримтлалын дор орчин үеийн худалдааны урсгал, технологийн шинэ эрин үед байнга шинийг эрэлхийлсэн чадварлаг гаалийн байгууллагыг цогцлоохын төлөө үйл ажиллагаагаа чиглүүлэн ажиллаж байгаа бөгөөд байгууллагын хөгжилд удирдлагын манлайлал чухал үүрэг гүйцэтгэнэ гэж мэргэжилтнүүд үзэж байна.

Энэхүү нэр хүндтэй сургалтын зорилго нь 21 дүгээр зууны манлайлан удирдах гаалийн удирдагчийг төрүүлэх, “Удирдлагын манлайлагч”-ийн чадварыг эзэмшүүлж, тухайн улсын гаалийн байгууллагын хөгжилд үнэтэй хувь нэмэр оруулахад оршдог.

Сургалтаар “21 дүгээр зууны орчин үеийн гааль; Стратегийн удирддлага болон ДГБ-ын PICARD; Өөрийгөө үнэлэх-хувь хүний хөгжил;Алсын хараа; Нөхцөл байдлын манлайлал ба удирдах хэв маяг; Манлайлал; Ажлын байран дахь шударга байдлыг дэмжих; Хэлцлийн ур чадвар; Харилцаа; Өөрчлөлтийн удирдлага; Ажлын байрны тэгш болон олон талт байдал зэрэг чиглэлээр мэдээлэл өгөх юм.

ГЕГ-ын ХМССТ, ГХАХ, ТЗУГ хамтран ирэх жилд “Удирдлагын манлайлал, хөгжил” сэдэвт сургалтыг бүсчилсэн хэлбэрээр зохион байгуулахаар төлөвлөж байна.

IMG 0130

IMG 0149

IMG 0145